Supreme Court justice may gustong malaman kina Bea at Julia!

Bea, Gerald at Julia national issue na

Dahil siguro August at sinasabing ghost month ng mga Chinese, nauso ang ghosting and ghost writer kaya ang ending AuGhost.

Oww. Why not.

Sinabi nga ni Gretchen Barretto na may ‘ghost writer’ ang pamangkin niyang si Julia Barretto sa inilabas nitong ‘resbak’ kay Bea Alonzo matapos masangkot sa ‘ghosting’ diumano ni Gerald Anderson.

Say ni Gretchen sa comment niya sa isang post “the fact that they hired a ghost writer for this post is hilarious & makes her sound desperate to salvage whatever is left.”

May comment din siyang “team Bea for the win,” with heart and lips emoticon.

Actually, hindi lang naman si Gretchen ang unconvinced na capable si Julia na magsulat ng ganun lalo na nga raw at sa mga interview ay hindi naman ganun ka-deep kung sumagot ang anak nina Marjorie Barretto at Dennis Padilla.

Masyado raw kasing ginalingan ang nasabing ‘buwelta’ ni Julia kaya maraming hindi maniwala na kaya niyang gawin ‘yun.

As of presstime ay wala pa ring sagot si Bea.

Parang mas naniniwala siya sa sinasabing ‘there’s dignity in silence.’ Or baka naniniwala rin siya sa qoute ng Dalai Lama na ‘silence is sometimes the best answer.’

Inakusahan nga ni Julia ng pa-victim at bullying si Bea matapos siyang kuyugin na mang-aagaw at cheater after na kumalat ang picture nila ni Gerald   na magkasama sa birthday party ni Rayver Cruz.

Dumepensa na rin Gerald sa ghosting issue at inabsuwelto niya si Julia pero wala ring sagot si Bea.

Anyway, pero ang pinaka-winner kahapon ay ang tweet ni Supreme Court Justice Marvic Leonen. Tweet niya kahapon : “Dear Bea and Julia, is he really worth it? #JustAsking” na umani ng sangkaterbang comments, retweets at likes.

Sinagot pa nga siya ni former Customs chief and now Muntinlupa Rep. Ruffy Biazon ng “You know it has become a national issue when a justice of the SC asks a clarificatory question.”

“Now I’m contemplating to file an inquiry in aid of legislation,” comment ni Rep. Biazon.

Imagine, hindi na lang mga celebrity ang nakaabang sa mga pangyayari kina Bea, Gerald and Julia, pati Supreme Court Justice at mga congressman.

Yup, hindi lang si Rep. Biazon ang nag-react sa comment ni Justice may ilang pang pulitiko ang nakikiusosyo pero ayaw pabanggit ng pangalan para alamin kung ano ba talagang nangyari sa kanila.

Hahaha. Confirmed. National issue na nga ang ‘love story’ nilang tatlo.

Patok din sa social media ang # na #TeamBea, #TeamJulia etc.