Bea gipikhan ni Julia
CEBU, Philippines – Nitingog na si Julia Barretto pinaagi sa iyang IG post niadtong Martes sa gabii kalabot sa pagkalambigit sa iyang pangalan sa breakup nila ni Gerald Anderson ug Bea Alonzo.
Suma pa sa aktres nga nasakitan gyud siya og maayo sa maong isyu ug gipadungog-dungog usab niya si Bea sa iyang post.
Nagdumili sab siya nga malambigit pa sa panagbuwag sa mga nahisgutan sanglit gitataw na matud pa ni Gerald nga walay third party sa break up.
“You can play victim all you want, but I refuse to be your victim,” tipik sa usa sa mga post ni Julia.
Gitataw usab ni Julia nga dili siya matawag nga “cheater” gumikan kay buwag na sila ni Joshua Garcia upat ka bulan na ang nilabay.
Giakusahan niya si Bea nga nam-bully kaniya gumikan sa mensahe pa niya alang sa aktres : “Your heartbreak should have been a private matter, but you have selfishly turned it into something of national concern. Bea, you wanted to keep your hands clean by not mentioning me in your controversial post, but with a click of your finger, in your sly way, you have charged everybody to destroy me for you.”
KathDen movie naka- P319.4M na!
Naghudyaka ang Star Cinema gumikan sa makabungog nga kalamposan sa pelikulang “Hello, Love, Goodbye” nga gibidahan nila ni Kathryn Bernardo ug Alden Richards.
Human sa usa ka semana sukad kini gipasalida, mikita na ang maong pelikula og P319,429,863.44.
Gianunsyo kini sa Star Cinema kagahapong adlawa.
“Dahil sa bugso ng inyong pagmamahal sa kwento nina Joy at Ethan, umaapaw ang pasasalamat namin sa inyong lahat!” suma pa sa post sa Star Cinema .
Si Cathy Garcia-Molina ang direktor sa maong pelikula nga sinuwat ni Carmi Raymundo. Ang “Hello Love, Goodbye” nagtuki sa love story nila ni Joy (Kathryn ), ug Ethan (Alden) nga nagkaila didto sa Hong Kong.
Ang maong pelikula nakabaton og international screenings sa nagkadaiyang dapit sa Asia, US ug Middle East.
Gretchen: Team Bea for the win
Nihatag usab og kisaw sa social media niadtong Martes sa gabii ang iyang ni Julia Barretto nga si Gretchen Barretto.
Human ni-post og mensahe si Julia batok kang Bea Alonzo sa Instagram, ni-eksena usab sa social media si Greta.
Nipadayag ang aktres og ,’TEAM BEA FOR THE WIN” . Una na nga nipadangat og Suporta si Gretchen ngadto kang Bea ug kever lang kini sa iyang pag-umangkon nga si Julia.
Nipadayag usab si Greta nga dunay ghost writer sa latest post ni Julia ug nagpaila lang nga desperada kini.
Heart, fan sa Black Pink
Gibutyag ni Heart Evangelista nga fan gyud siya sa K-Pop group nga Blackpink.
Sa pagka-karon, nag-usab og look ang aktres ug nagpabutang gyud siya og bangs.
Busy kaayo si Heart karong panahona gumikan sa show nga StarStruck.
Pipila sa mga kanta nga gipasikat sa Blackpink mao ang Kill This Love, Stay, Forever Young ug As If It’s Your Last.
“ So abangan nila, kasi magpe-perform na ako. I am a fan of Blackpink so I’m gonna perform something I really love from Blackpink,” saysay pa ni Heart ngadto sa GMA News.
Gilusad usab dili pa lang dugay ang ang libro ni Heart nga naghisgot og fashion.
“I’ve learned to embrace all my imperfections and fashion mistakes in the past and I’ve felt it was about time for me to share the journey with them,” matud pa ni Heart.
- Latest