Tulo ka Cebuana pasok sa Miss World Philippines

CEBU, Philippines – Gianunsyo na sa Miss World Philippines Organization ang 37 ka mga kandidata nga maoy magtigi alang sa korona ug titulo sa Miss World-Phillipines.

Nahitabo ang maong pag-anunsyo niadtong Domingo human sa screening niini didto sa C3 Events Place sa kauluhan.

Matud sa maong organisasyon nga adunay tulo ka mga idungag nga kandidata nga gikan sa Amerika nga mokumpleto sa Top 40.

Sa karon nga batch sa Miss World Philippines, gilangkuban kini sa mga pamilyar nga mga beauty queen nga naggikan sa showbiz.

Mao kini sila si Michelle Dee kinsa anak ni Miss International 1979 ug aktres nga si Melanie Marquez.

Lakip sa opisyal nga kandidata ang kanhi Kapuso child star ug fitspiration na karon nga si Isabelle de Leon ug ang lain nga Kapuso artist nga si Kelley Day.

Sa laing bahin, tulo ka mga Cebuana ang nalakip sa prestihiyoso nga indigay ug kini naglangkob nila ni 2018 Binibining Cebu-Charity Tracy Maureen Perez, Hiyas Nan Carrascal 2019 Louise Theunis ug si Ilene de Vera kinsa nahimong Mutya ng Pilipinas 2017 ug bag-uhay lang nisalmot sa Binibining Pilipinas 2019.

Mahitabo ang coronation night sa Miss World Philippines karong Septiyembre sa Smart Araneta Coliseum.

Wala kauyon

Gihatagan og katin-awan ni Judy Ann Santos kun nganong hangtud karon wala pa gihapon madayon ang ilang reunion movie ni Piolo Pascual. “It’s just that, wala akong mapusuan na script,” suma pa ni Juday.

Online scammer

Mihatag og pahibalo si Chynna Ortaleza kabahin sa usa ka online scammer nga matud pa nga nagtrabaho sa OC Records nga gipanag-iya nilang duha sa iyang bana nga si Kean Cipriano. Ang maong scammer naghatag kini og alarma sa iyang kabanay gumikan kay mopadala kini og mga mensahe nga walay basehan. “We used to dismiss this as a small thing. IGNORED her messages since they are all fictitious. But we were advised by our lawyer to put this out here to serve as a warning for other people. Most especially because she has started messaging our family members privately & is attempting to bring our company into the picture,” suma pa ni Chynna.

Shaina molugwa sa udto

Makita na pagbalik sa telebisyon si Shaina Magdayao. Mahimo siya nga kabahin sa noontime series nga ‘Nang Ngumiti Ang Langit’. Usa ka private nurse ang karakter ni Shaina sa maong serye.

Nakalampos gyud

Malampuson nga natapos nila ni Kim Atienza, Zoren Legaspi ug Gretchen Ho ang 10 ka milya nga cycling competition sa London. Silang tulo ang miisa sa bandera sa Pilipinas sa maong dako nga kalikuhan.

Manganak sa Amerika

Nagsugod na ang preparasyon ni Mariel Rodriguez- Padilla alang sa ilang ikaduhang anak ni Robin Padilla. Matud pa ni Mariel nga kinahanglan una niya nga mag-leave sa trabaho aron ibuhong niya ang iyang oras sa iyang pagsabak. Sa Amerika niya ihimugso puhon ang umaabot nila nga anak ni Robin.

Tulin katrabaho

Pakpak gyud si Direk Cathy Garcia-Molina ngadto kang Alden Richards. Matud pa niya nga minimal lang nga instructions ang iyang gihatag niini ug nakuha sa aktor ang buot nga gipangayo niya sa mga eksena niini. “Walang eksenang kailangan pigain ko si Alden. In the scenes naman na kailangan niya maging emotional, he knew what the emotion was. Yun lang ang maganda kasi sa isang tulad ni Alden who have been through so much already. I mean, hindi na naman ito ka-bagets-an na hindi niya alam pinagdaanan. And yung pinagdaanan ni Ethan is very familiar to him. So hindi ko na siya kinailangan sundutin ng bongga. Pag napanuod niyo, he is very relaxed in the movie. That’s what I loved about him there. Parang walang effort. He was so natural and sincere. And ganun lang talaga yung character ni Ethan”, suma pa ni Direk Cathy.

Kontrabida dayon

Kontrabida ang role ni Melanie Marquez sa umaabot nga rom-com series nga ‘One of the Baes’ sa Kapuso network. Mao kini ang pagbalik ni Melanie sa pag-arte human sa pipila ka tuig nga pagpahuway niya sa showbiz.

Pia mihulip kang Rhea

Ang Kapuso anchor nga si Pia Arcangel mao ang bag-ong host sa docu-reality nga ‘Tunay Na Buhay’. Mao kini ang show nga gihuptan ni Rhea Santos kaniadto.

Nadine isip hurado

Si Nadine Lustre ang usa sa mga hurado sa umaabot nga reality contest nga ‘Your Moment’. Makauban niya si Boy Abunda isip hurado.

Hello, love,

Goodbye sa Jeddah

Gianunsyo na sa Star Cinema executive nga si Mico del Rosario ang maayong balita. Ipagawas na ang ‘Hello, Love, Goodbye’ sa Jeddah, Saudi Arabia. Mao kini ang labing una nga Filipino film nga mapagawas sa maong nasud.  —Preciosa L. Bacalso

Sige’g away

Mitingog na gyud si Gerald Anderson mahitungod sa istado nila ni Bea Alonzo.

Matud pa ni Gerald nga magpunay sila og lalis nga miresulta na sa dakong away.

“Siguro yung nangyari just like other relationship fight after fight after fight and we had this big fight. we’re just hurting each other,”saysay pa ni Gerald ngadto sa exclusive interview sa ABS-CBN News.

Gitataw ni Gerald nga walay labot si Julia Barretto sa  breakup nila ni Bea.

“Walang ibang taong naging dahilan ng break up. It’s always been our personal issues”, dugang pa ni Gerald.

Hapit na magtulo ka tuig ang relasyon nila ni Bea kun wala unta sila nagbuwag niini. Sa wala pa nila gisaulog ang ikatulo nga anibersaryo, miulbo ang taho nga matud pa adunay relasyon sila si Gerald ug Julia.