Anne riot ang duet kay Marco

SEEN: Ang longtime partner ni Eddie Garcia na si Lilibeth Romero ang tumanggap ng posthumous award na ipinagkaloob ng Viva Entertainment sa legendary actor sa Viva Convention na ginanap sa World Trade Center, Pasay City noong Linggo, August 4. Pinarangalan si Eddie dahil sa kanyang mga kontribusyon sa Viva Films bilang direktor at aktor. Siya ang direktor ng P.S. I Love You, ang unang movie project ng Viva Films, ang 1981 movie nina Sharon Cuneta at Gabby Concepcion. Certified blockbuster ang P.S. I Love You.

SCENE: Si Sharon Cuneta ang recipient ng first ever Viva Icon award na tinanggap niya sa Viva Convention noong Linggo. Napaiyak si Sharon nang mapanood nito ang touching audio visual presentation para sa kanya at ang pinalakpakan na song number nina Janine Teñoso, Kim Molina at Katrina Velarde na inawit ang mga hit song niya, ang Pangarap Na Bituin, Bituing Walang Ningning at Sana’y Wala Nang Wakas. Binanggit ni Sharon sa kanyang acceptance speech si Gabby Concepcion, ang leading man niya sa mga hit movie ng Viva.

SEEN: Naka-schedule ng 7:30 pm ang Viva Icon awarding ceremony para kay Sharon Cuneta pero past 9 pa nang makara­ting siya sa venue pero blessing in disguise ito dahil ang parangal sa kanya ang naging highlight ng 1st

Viva Convention. Ang dialogue ni Sharon na dapat abangan ng lahat ang bagong pelikula na gagawin niya sa kanyang former home studio.

SCENE: Dumagsa ang fans at aspiring stars sa second day ng Viva Convention noong Linggo at sulit na sulit ang P550 entrance fee na ibinayad nila dahil sa presence at well-applauded performances nina Anne Curtis, Sarah Geronimo, Yassi Pressman at AiAi Delas Alas.

SEEN: Magkasama na nag-promote ng Just A Stranger sa Viva Convention sina Marco Gumabao at Anne Curtis. Riot ang pagkanta at pagbirit ni Anne sa Never Enough kaya tuwang-tuwa sa kanya ang mga tao.