Indak movie

CEBU, Philippines — Nigawas na ang ikaduha nga trailer sa pelikula nila ni Nadine Lustre ug Sam Concepcion nga 'Indak'. Ang maong pelikula gikatakda na nga molugwa sa mga sinehan ugmang adlawa. Samtang, nia karon sa Sugbo sila si Nadine ug Sam aron pagpromote sa maong pelikula.

Way plano magminyo

Mi-esplikar si Mylene Dizon kun nganong wala siya'y plano nga magminyo ngadto sa iyang kapares nga si Jason Webb. “Puwede ko siyang gawin bago ako mamatay, if I really want to. But the pain that I saw that my friends had experienced is not something that I want to experience now", suma pa ni Mylene.

Baby number 2

Kumpirmado nga nagsabak karon si Kylie Padilla sa ilang ikaduha nga anak ni Aljur Abrenica. Kapin sa 22 ka semana ang gimandos sa  aktres. Matud pa niya nga lalaki sab ang iyang gisabak.

One million followers

Aktibo gyud sa social media ang Megastar nga si Sharon Cuneta. Gikalipay niya nga miabot na sa usa ka milyon ang iyang followers sa Instagram. Gani, kapin sa 28, 000 na sab ang iyang subscribers sa Youtube.

Sexy gihapon

Walay kukahadlok si Marian Rivera pagbalandra sa iyang lawas. Tulo ka bulan pa lang ang milabay human niya gihimugso ang ilang ikaduhang anak ni Dingdong Dantes apan wala gyud siya mauwaw nga magsul-ob og bikini. Daghan gyud ang midayeg sa kaanyag sa aktres sanglit sama kini og postura sa babay nga wala pay anak.

Dance challenge

Nakamugna og dance challenge video si Iñigo Pascual alang sa iyang bag-ong awit nga 'Catching Feelings'. Kauban ni Iñigo sila si Kyle Echarri ug Darren Espanto. Matud pa ni Iñigo nga nabuhat nila ang maong video tungod sa ilang paghuwat.

Milyon na ang views

Miabot na kapin sa usa ka milyon ang views sa sulod lang sa duha ka adlaw ang on-the-go makeup tutorial ni Winwyn Marquez. Ang maong video gikuha lang kini niya samtang diha siya sa iyang sakyanan sa wala pa siya misulod sa tugkaran sa GMA station.

Jessica, midaog sa PSMW

Midaog ang inila nga broadcast journalist nga si Jessica Soho sa Philippine Social Media Week. Naangkon niua ang PSMW Icon Award human sa iyang paghatag og impluwensya sa kadaghanan ug sa tinuoray niya nga pagserbisyo sa publiko.

Proud kang Kath

Proud gyud si Daniel Padilla sa iyang girlfriend nga si Kathryn Bernardo tungod kay nagmalampuson gyud kini sa pelikula nila ni Alden Richards nga 'Hello, Love, Goodbye'. Matud pa ni Daniel nga worth it gyud ang pagsakripisyo nilang duha nga malayo sa usa'g usa aron nga magmalambuon sa ilang tagsa-tagsa ka mga karera.