Moira ug Daniel mag-duet

CEBU, Philippines — Gipahibalo sa Idol Philippines judge ug singer nga si Moira dela Torre nga mag-duet sila ni Daniel Padilla sa upcoming Himig Handog songwriting and music video competition. I-interpret matod pa nila ang kanta nga gisuwat ni Dan Tanedo nga nag-ulohan og “Mabagal.” Mao kini ang ikaduhang higayon ni Moira nga moapil sa maong kompetisyon. Samtang ikaupat na kini ka tuig ni Daniel nga moapil sa susama gihapon nga contest.

Unsa man gyud?

Wala modirekta og tubag ang Kapuso hunk actor nga si Dennis Trillo sa pangutana kun nagpuyo na ba sila sa iyang uyab nga si Jennylyn Mercado.“Ayokong sabihin na… yung mga live in na yun… parang napaka-'80s naman nung ano, e.Masaya kaming magkasama… basta’t meron kaming free time, minamabuti namin na magkasama,” tubag pa ni Dennis.

Close friend ra gyud

Kusganong gihimakak sa aktor nga si JM de Guzman nga nangulitawo siya ngadto sa aktres nga si Ria Atayde. Giasoy niini nga sobra lang gyud sila kasuod sa nahisgutang aktres. "Sobra kaming close, palagi kaming nagsu-support sa isa't isa. Siyempre may career, marami kaming ginagawa at alam namin sa isa't isa na yun ang priority namin,"pasabot pa ni JM.

Emosyonal sa balak

Wala kapogngi ni LJ Reyes nga mahimong emosyonal sa Instagram post niini atol sa kasaulogan sa 9th birthday ni Ethan Akio kinsa anak nila sa iyang ex-boyfriend nga si Paulo Avelino. Nag-compose og usa ka balak si LJ og gi-post niya kini sa Instagram isip birthday message sa iyang anak.

Trust issue

Gipaambit sa Kapuso star Jak Roberto nga dako matod pa kaayo og tabang kaniya ang pag-apil sa Bova Acting Workshop sa GMA-7 kay nakamao na siya mopaambit sa personal nga kasinatian sa iyang kinabuhi ngadto sa uban. “Meron kasi akong trust issue, hindi talaga ako nag-o-open up sa isang tao na hindi ko pa ganun kakilala,"sigon pa niini.

Loyal sa Dos

Giasoy sa hunk actor nga si Ejay Falcon nga gipasigarbo kaayo niya nga usa siya ka Kapamilya ug misaad nga magpabiling loyal sa ABS-CBN network. Bag-o lang ni-renew si Ejay sa iyang kontrata sa ABS-CBN. “Alam niyo po, galing ako sa wala. Pero dahil sa PBB, kay Direk Lauren, na-discover ako, so lahat utang na loob ko po sa kanila,"sigon pa sa aktor.

Tak-om sa preparasyon

Mas gipili ni Miss Universe Philippines 2019 Gazini Ganados nga isekreto ang gibuhat niyang preparasyon alang sa upcoming Miss Universe 2019 pageant. "That would be a secret for now, for you to look forward to it. I'll just best represent the Philippines authentically in my own ways,"sigon pa sa Sugbuanong beauty queen.

Love language

Gipaambit ni Juancho Trivino ang unique "love language" nila sa girlfriend nga si Joyce Pring. “Mga love language ay receiving gifts or touch. Manorpresa, or acts of service, pinagsisilbihan mo,"paambit pa sa aktor maong nagpabiling silang sweet nga manag-uyab.

Gitawag og asawa

Daghan ang gikilig sa birthday mesaage ni Jolo Revilla alang sa iyang uyab nga si Binibining Pilipinas 2016 first runner-up Angelica Alita diin gitawag niya kini og "asawa." "Para sa aking minamahal na irog, maligayang kaarawan sayo!Ikaw ang aking inspirasyon, ang kaisa-isang nagpapatibok ng aking puso.Mahal kita soon to be asawa ko!" post pa niini.

Gisapot sa free meal

Nipahungaw sa iyang kadismaya ang aktor ug spoken word poet nga si Juan Miguel Severo kalabot sa usa ka mall nga ni-offer niya nga mo-perform sa ilang tindahan baylo sa usa ka free meal. “A mall invites me to perform for a free meal. And to ‘further promote’ my craft. I know I’m poor but b*tch???Seriously? Just free food? A mall. Inviting artists. To perform. For food? Sorry, I find this invitation disrespectful to my craft and to artists,” yawyaw pa niini sa social media.

Milaban sa apo

Midepensa si Inday Barretto ngadto sa iyang apo nga si Julia Barretto batok sa mga bashers nga nipasangil nga dunay kalabotan ang aktres sa breakup nila ni Gerald Anderson ug Bea Alonzo. "Hindi ako tumanda para lang maupo at pakinggan ang mga attack ng mga masasamang maligno kagaya mo. Lumabas ka at harapin mo ako harap-harapan. Tingnan natin kung kaya mo mang-bully," tubag pa niini ngadto aa basher.

Gerald ug Julia gi-unfollow ni Bea

Naukyab ang  netizens ni Bea Alonzo human gi-unfollow niini sa Instagram ang kanhi  boyfriend nga si Gerald Anderson ug  ang Between Maybes' leading lady niini  nga si Julia Barretto.

Nilabay una ang pila ka mga adlaw una nakatigom og igong kusog si Bea sa pag-unfollow sa duha.

Una na nga gibutyag sa  aktres nga kalit lang nga wala na managad kaniya si  Gerald .

Ang maong pag-unfollow ni Bea sa duha ka Kapamilya stars nipasamot sa mga pagduda nga dunay  sektretong binuhatan ang duha.

Una na nga  nanggawas kaniadto ang hulagway  nilang Gerald ug Julia nga nagkuyog  atol sa birthday ni Rayver Cruz .

Ang maong espekulasyon nisamot pagdako human nag-post si Bea og mga mensahe sa Instagram kalabot sa usa ka  tawo nga gipasakitan siya kaduha na kahigayon.

“You can’t make the same mistake twice, the second time you make it, it’s not a mistake anymore, it’s a choice. ENOUGH,"naunang mga mensahe pa niini sa Instgram.

Hangtod karon, tak-om pa si Gerald ug Julia kalabot sa maong kontrobersiya.