Probinsyano, Idol nanguna noong July

 Katulad ng mga nakaraang buwan, hindi pa rin natitinag ang FPJ’s Ang Probinsyano (37.6%) bilang pinakapinapanood na programa ng mga Pilipino nationwide. Kasunod naman nito ang action-drama na The General’s Daughter  (31.3%) na hanggang September na lang.

Nagtapos naman ang unang season ng Search for the Idol Philippines (30.1%) bilang numero unong programa tuwing weekend, habang hawak pa rin ng TV Patrol (28.5%) ang titulo bilang most watched weekday newscast sa buong bansa.

At marami rin  ang patuloy na tumatangkilik sa mga nakakaantig na mga kwento  ng  Maa­laala Mo Kaya (24.8%), habang nakasubaybay pa rin ang viewers sa matitinding kaganapan sa Kadenang Ginto (24.1%) tuwing hapon.

Pasok din sa listahan ng most watched programs noong Hulyo ang Hiwaga ng Kambat (23.6%) at Home Sweetie Home: Extra Sweet (21.6%).

Samantala, ABS-CBN din ang nanguna sa iba’t ibang time blocks, partikular na sa primetime at sa afternoon block. Nagkamit ang Kapamilya network ng 47%. Pagdating naman sa afternoon block (3 PM to 6PM), nakapagtala rin ang ABS-CBN ng 47%. 

Namayagpag din ang Kapamilya network sa morning block (6 AM to 12 NN) sa pagtala nito ng 39% at sa noontime block (12 NN to 3 PM) sa pagrehistro nito ng 44%.

Kinakatawan ng Kantar Media ang 100% ng mga manonood ng telebisyon sa buong bansa sa paggamit nito ng nationwide panel size na 2,610 na urban at rural homes.