Fifteen costume change

Domingo na! BisChika na! Sugdan nato og mga Hugyaw nga mga BisChika ang atong adlaw mga BisChikadora. Ang mga problema ipadaplin usa kay kining inyong Mother Butanding ania na busa panukad na. Now na! Sa tanang mga dance crew nga ni audition sa Denim Dance Fest 2019, Daghan kaayong Salamat! Pasok sa TOP 10 ang UNDERGROUND Streets, UNTAMED, DON JUAN, INTENSE GRAVITY, FREESTYLER 2.0, UNDROGENOUS, IMPLEMENT, UNIQUEX, SYNERGY ug ang CUBS. Karung adlawa ang ilang elimination round sa SM City Cebu Event Centre, alas kwatro sa hapon. Atangi kinsa kaha ang pasok sa TOP 5 nga mao ang magtigi sa Branch Finals karung Agosto 4 sa SM City Consolacion. Good luck sa mga dance crews!

***

Para sa atong Kinsa Siya Insider mahitungod sa usa ka aktor nga bag-ohay lang nibisita sa Sugbo. Gumikan niini, best in attention ko nga naminaw sa atong Kinsa Siya Insider. Usa ka show ang gitambungan sa akto— kun show lang nangutana ko asa naman ang ugyaw nga parte? Sa dihang gitawag na ang aktor para mo perform sa stage,  makabungol nga singgit ang imong madunggan. Dili lang kay gwapo ang aktor o maayo kini mokanta, apan ang naboangan sa mga kababaihan ug sa mga feeling girl kay ang gisul-ob sa aktor. Unsa diay ang iyang gisul-ob? Simple lang kini naka t-shirt ug pants. Apan ang makra sa iyang pantalon kay makaingon  matud ka og  OMG! Yes! OMG kaayo kay ang saging spotted! Diha nalang kutob kay nahutdan ko sa unsaon nako pag describe kini. Kinsa Siya Kining aktor? Tall, dark and handsome. Nagbabalik telebisyon. Ang teleserye diin siya ang bida kay very hot as in makapaso! Pak na pak!

Sa laing bahin, giimbitar ko ni Miss Rica Paez of Fames Wedding Concepts and Events para sa birthday party sa iyang ikalima nga igsuon nga si Ms. Rhisa Sabandal sa usa sa mga dakong hotel sa Sugbo. Tuod man, nilugwa ang akong beauty without knowing nga usa ko sa mga host. Ang akong drama lang unta kay mo eat and run! Hahahahha! Dili usab problema kun mosalang ko sa stage to host kay ang inyong Yur’s truly is always ready. Ang nakaHugyaw for the very first time ang usa ka engrandeng selebrasyon ni Ms. Rhisa nga ang theme kay Travel the World kay dili lang usa o duha ang host, kung dili lima kabuok! Di ba Hugyaw? Yes, join forces ang mga host sa FWCAE nga sila Papa Don Romantiko sa 99.5 RT, Andy Martinez, Erick Alazas, Borgie Cabigas ug si Mother B.! Sugod palang sa programa  kay very high energy na kaayo. Imagine? Ang birthday celebrator kay 15 times kining nag ilis sa iyang gown! Korek! Sakto ang inyong nabasa. From the grand entrance, 18 roses, treasures, cotillion, production number, blowing sa candle cake ug uban pang mga mugna sa program, si Ms. Rhisa quick change always! Mas nahimong espesyal ang iyang birthday celebration kay ang iyang mga ginikanan nagsaulog usab sa ilang ika 39th years of marriage, mao nga present si Fr. Cortes nga ni blessed sa couple. Pinaka highlight mao ang launching sa iyang events company nga didto mag base sa Germany— kay si birthday celebrator, usa man ka nurse sa maong nasod. Saludo ako ni Ms. Rhisa kay she’s a hardworking person. Multi-tasking ang iyang peg ug hands on siya sa mga events niya sa Germany. Mao nga good luck to your new business and May God bless you more!