Andam motabang
CEBU, Philippines — Andam si Liza Soberano nga tudluan ug tabangan si Jane De Leon sa pagahimoon niini nga training sa Darna movie. “If ever she feels the weight of responsibility bestowed upon her”, suma pa ni Liza.
Galawang Chavit
Trending kaayo sa social media ang gitawag nga “Galawang Chavit” ni Chavit Singson kun diin nahugyaw gyud ang netizens gumikan kay hapit na kin mosandig bukton ni Miss Universe 2018 Catriona Gray. Kuha gyud ang maong panghitabo samtang naghuwat sa duwa ni Manny Pacquiao niadtong Domingo. Makita sa video nga giduka si Chavit.
Lihok ni Vice
Gitun-an og maayo ni Christian Bables ang mga lihok ni Vice Ganda isip pagpangandam sa iyang karakter sa pelikula nga ‘The Panti Sisters’. Matud pa ni Christian nga idol sa iyang karakter si Vice. “Inaral ko si Ms. Vice Ganda, anong mga qualities niya ang dapat i-idolize. Then I ended up crying and laughing, ibang klaseng tao si Ms. Vice”, suma pa ni Christian.
Suportado ang tandem
Full support ang amahan ni Kathryn Bernardo nga si Daddy Ted sa tandem nila ni Alden Richards sa pelikula nga ‘Hello, Love, Goodbye’. Gikalipay pag-ayo ni Kath nga mitambong gyud ang iyang amahan sa usa ka kalihokan nga nag-promote sa maong pelikula. Matud pa ni Kath nga talagsa ra gyud molugwa ang iyang amahan sa iyang mga show.
Mohulip ni Ryan
Trending karon sa social media ang ‘Kapare-who’ contestant nga si Jin Ho Bae. Gisungog kagahapon nila ni Vice Ganda si Ryan Bang nga matud pa nga mao kini ang mohulip niya sa ‘It’s Showtime’.
Aksyon og kabalaka
Gitug-an ni Kean Cipriano nga matud pa nga nahadlok siya nga mawad-an og trabaho sa dihang nahimong relibo si Bayani Agbayani sa usa niya ka show. Nahupay ang iyang pamati gumikan kay nasabotan na sa management nga idugang na lang si Bayani sa show nga I Can See Your Voice.
Dili pa uyab
Gitataw ni Jameson Blake nga dili pa sila uyab ni Elisse Joson. Matud pa ni Jameson nga dili pa niya maingon nga sila na gyud apan walo ka buwan na sila nga magsige og date.
Man woman wife
Mag-uban ang mga lig-ong artista nga sila si Angelica Panganiban, Richard Gutierrez ug Bea Alonzo sa usa ka proyekto. Mag-uban ang tulo sa pelikulang “Man Woman Wife”.
Stage actor
Ang singer ug stage actor nga si Arman Ferrer maoy nikanta sa Nasudnong Awit sa State Of the Nation Address (SONA) ni President Rodrigo Duterte kagahapon. Nasayran nga tig-perform si Arman sa mga kalihokan sa Malacañang ilabi na kon dunay mga bisita gikan sa laing nasud. Pipila ka adlaw nga gipangandaman ni Arman ang tahas nga gitugyan kaniya alang sa maong kalihokan.
Phil gikasal na
Gikasal na ang Azkals star nga si Phil Younghusband ngadto sa hinigugma niini nga British-Filipina model nga si Mags Hall. Nahitabo ang seremonya sa ilang kasal sa United Kingdom niadtong Domingo.
- Latest