Kervin Cane & The Chicksticks

CEBU, Philippines – Makighimamat sa ilang fans ang banda nga nagikan sa  Camotes Island nga  Kervin Kane & The Chicksticks pinaagi sa ilang bar tour  sa tanang Tonyo’s Bar and  Restaurant. Usa sa mga ipadungog sa maong grupo ang awit  nila nga “Dili Pwede” nga madungog na sa  pipila ka radio stations sa  istasyonan sa Central Visayas.

Niadtong Hulyo 13, nasugdan na sa maong grupo ang unang pagtukar nila didto sa Tonyo’s sa Mactan.

Karong umaabot nga Hulyo 20, live sila nga mopatukar na sab sila sa ilang mga awit didto sa Tonyo’s Bar Restaurant sa Lahug , samtang sa  Hulyo 27 , didto na sab sila sa laing branch sa Tonyo’s sa   Talisay City.

Mopalanog usab sa ilang mga awit  ang Red Stremes Band ug My Alibi. Magsugod ang ilang pagtukar sa alas 9 sa gabii.

Ang labing una nga gig sa maong grupo dinhi sa Sugbo nahitabo kini niadtong Biyernes, Hulyo 12 didto sa Manggahan sa Lahug, Cebu City ug tumong niini mao  ang makakuha og hinabang alang sa tag-iya sa Kalye Musika ug usa ka musikero nga si Brian Sacro kinsa kasamtangang naa karon sa tambalanan.