TV host napili nga Miss Philippines Earth 2019
CEBU, Philippines – Gikoronahang Miss Philippines Earth 2019 ang former Wowowin co-host nga si Janelle ‘Kimchi’ Tee niadtong Miyerkules didto sa Okada Manila, Parañaque City. Gidala niya nga lugar mao ang Pasig City.
Gipulihan niya sa maong trono mao si Miss Philippines Earth 2018 Celeste Cortes.
Natawo siya sa Davao ug gawas sa Wowowin, nahimo usab siya nga host sa programa sa ANC nga Chinoy TV.
Nag-una sa listahan sa iyang adbokasiya mao ang pag- promote sa eco-tourism .
Ang ubang mananaog naglangkob nila ni Ana Tan, Tagoloan, Misamis Oriental (Miss Earth Philippines Air), Chelsea Fernandez, Tacloban City(Miss Earth Philippines Water), , Alexandra Dayrit, Marikina(Miss Earth Philippines Fire) ) ug Karen Piccio, Maasin, Iloilo (Miss Earth Philippines Eco-Tourism) Si Janelle ang modala sa tingog sa nasud sa international edition sa Miss Earth karong October.
Kylie mabdos
Nagsabak ang aktres nga si Kylie Padilla ug mao kini ang ikaduhang anak nila ni Aljur Abrenica.
Sa report sa PEP, giingong sa Nobyembre manganak ang aktres . Sa maong buwan usab gikatakdang manganak ang iyang stepmother nga si Mariel-Rodriguez.
Giingong mao kini ang rason nga wala kaayo modawat og daghang proyekto si Kylie.
Ang teleseryeng TODA One I Love nga natapos niadtong Abril maoy katapusang TV show ni Kylie.
Gikasal sila si Kylie ug Aljur niadtong December 11, 2018. Nagpabiling Kapuso si Kylie, samtang si Ajur nibalhin sa ABS-CBN.
- Latest
