Bana ni Beauty, fan sa KG

CEBU, Philippines – Malipayon si  Beauty Gonzalez gumikan kay wala ra gyu’y problema ang iyang bana nga si  Norman Crisologo sa ka-busy sa iyang career ilabi na karon nga nagkainit ang mga eksena sa teleseryeng Kadenang Ginto.

Suma pa ni Beauty nga big fan ang iyang bana sa maong teleserye.

 “He is not the typical husband, ‘yung husband ko naman more on the liberated side na gusto niyang i-empower ‘yung lahat ng babae na parang hindi porket may anak ka na, may asawa ka na, hindi ka na pwede magka-love team. Sabi niya tignan mo nga ‘yung mga Hollywood actors and actresses, di ba?” ,saysay pa niya nga namantala sa PUSH.

Samtang saludo si Beauty sa  direktor , production staff, ug  writer sa Kadenang Ginto  gumikan kay mao kini ang  rason sa dakong kalamposan sa maong teleserye,.

“For me what really makes a good teleserye are the writers behind it. They are the real Mondragons. So that’s what makes the thing works kasi magaling ‘yung writer, magaling ‘yung nag-isip ng Kadenang Ginto and the directors who are guiding us and you know thankful din kami sa directors namin because they give us the trust na pwede naming gawin. Nagsa-suggest kami ni Dimples (Romana)  kung ano ‘yung mga eksena namin and siguro we are both happy and contented with our lives that’s why kahit anong gagawin namin dalawa okay lang,” dugang pa niya.

Janine ug Paulo suwayan

Sa labing unang higayon, magpares sila si  Janine Guttierez ug Paulo Avelino sa pelikula ug kini nag-ulohan  og ‘If We Don’t Make It’.

Suma pa sa duha nga angayan atangan ang linahi nga dagan sa istorya sa maong pelikula.  Giingong nagtuki kini sa duha ka tawo nga matud pa labaw pa sa maghigala apan dili pud uyab. Paluyohan kini sa   T-REX  Entertainment  ug nagpanikad na ang duha  sa bag-ong  chemistry nga idalit nila sa ilang fans.  

Miss Granny pasok sa Netflix

Milugwa na sa  Netflix   ang  Pinoy adaptation sa South Korean film  nga   “Miss Granny”.

Bida sa Pinoy version niini mao sila si  Sarah Geronimo, James Reid ug Xian Lim. Nasayran nga ni-click gyud og maayo ang maong pelikula sa Viva Films  nga gipasalida sa mga sinehan sa miaging tuig.  

Vice-Anne movie plantsado na!

Nagpanikad na sila si Vice Ganda ug Anne Curtis sa umaabot nila nga pelikula nga pagadumalaon sa Star Cinema ug Viva Films.

Nag-story conference na niadtong Martes ug lakip sa nitambong ang ubang cast niini nga sila si Tony Labrusca, Brenda Mage, MC ug Lassy.

Nalakip usab sa maong pelikula ang aktres nga si Dimples Romana apan wala kini katambong sa story conference hinungdan nga gipalugwa ang iyang standee  isip Daniela Mondragon  nga base sa karakter niini sa Kadenang Ginto.

Suma pa ni Vice nga suod gyud  niya nga mga  higala ang nalakip sa maong proyekto  busa pwerti niyang lipaya.

“I need to be with them kapag gumagawa ako ng pelikula, kasi I need to be surrounded by my friends, fun people. Tsaka yung mga makakatulong sa aming lahat sa mga eksena para mas maging nakakatawa siya,” suma pa ni Vice.

Mao kini ang labing unang higayon nga mag-uban sa pelikula sila si Vice ug Anne.  

Posibleng isalmot sa Metro Manila Film Festival 2019 ang maong pelikula  ug nagtangag kini sa working title nga  “VerSis”.

Bag-ong inspirasyon ni Benjamin?

Pipila ka bulan ang nilabay human sa breakup nila ni  Julie Ann San Jose, nitumaw karon ang tsika nga matud pa nakakita na karon og bag-ong inspirasyon ang aktor nga si Benjamin Alves.

Nabatyagan sa netizens ang pagbinayloay og sweet messages nila ni Benjamin ug sa commercial model nga si Chelsea Robato.

Nahisgotan usab ni  Benjamin nga si Chelsea maoy usa sa rason nga malipayon siya karong panahona.