Regine pasok sa movie ni Sarah
CEBU, Philippines – Miulbo karon ang tsika nga matud pa mobalik na sa big screen ang singer nga si Regine Velasquez ug makauban niya si Sarah Geronimo.
Nikatap karon sa social media ang hulagway nga gi-post ni Direk Jun Robles Lana kun diin makita nga naa sa set sa shooting ang duha ka singers.
Ang maong pelikula nag-ulohan og Unforgettable ug malakip usab niini sila si Ara Mina, Kim Molina, Meg Imperial, Gina Pareño, ug Yayo Aguila. (Sanden J. Anadia)
Dimples motabang sa DOT
Usa na ang Kapamilya actress nga si Dimples Romana sa mga personalidad nga nihatag og dakong suporta sa mga programa nga mag-promote sa turismo sa nasud.
Nag-abot sila si Dimples ug ang hepe sa Department of Tourism (DOT) nga si Bernadette Romulo-Puyat niadtong Lunes ug nahisgotan gyud ang adbokasiya sa aktres.
Pipila niini ang pag-ugmad sa arts, heritage sites ug sa mga hugyaw nga tourist destinations sa nasud.
Kahinumdoman nga trending kaayo ang memes ni Dimples sa social media nga gibase sa karakter niya isip Daniela sa teleseryeng Kadenang Ginto .
Nagsul-ob siya og pula nga dress ug nagdala sa iyang bag. Sa nagkalain-laing memes, naabot si Daniela sa nagkadaiyang dapit sa nasud. Alang kang Dimples , dakong garbo alang kaniya nga mahimong kabahin sa pagpalambo sa turismo sa nasud.
KC ug French boyfriend nagbuwag?
Niulbo karon ang report nga matud pa nga nagbuwag sila si KC Concepcion ug sa iyang French boyfriend nga Pierre Plassart. Tipik sa iyang post, nagyagyag kini nga usa siya ka single lady.
“I truly believe that the people and energy you surround yourself with can either hurt, or heal you,” saysay pa niya.
Kun tinoud man gani ang pangagpas sa ubang netizens nga nagbuwag na sila, gianugonan gyud kini sanglit welcome kaayo si Pierre sa pamilya ni KC. Sa pagsuwat niining balitaa, wala pa mohatag og komento ang duha ka kampo.
Kris mag-minaldita na!
Tsika pa ni Kris Bernal nga mamili na siya og role sa mga dawaton niya nga proyekto.
Gusto niya og challenging character aron mabatyagan sa kadaghanan ang iyang talento sa pag-arte ug target usab niya nga makabaton puhon og acting award. Kontrabida ang role ni Kris sa bag-ong Kapuso afternoon series nga Hanggang sa Dulo ng Buhay Ko.
“Nagiging mapili na rin ako, siguro dahil ang tagal ko na sa industry.Gusto ko na rin gumawa ng role na mapapansin ka, hindi yung parang nadaanan lang.Yung puwede ka na ring mabigyan ng recognition,”saysay pa niya.
Kasagaran sa mga role ni Kris kaniadto kay siya ang gidaog-daog.
Hulagway ni Anne gikagubtan
Bag-ohay lang gi-post ni Anne Curtis ang iyang hulagway kun diin katupad niya ang iyang idolo nga Korean star nga si Park Bo-gum.
Kahinumdoman nga si Anne ang nag-host sa fans ni day ni Bo-gum didto sa kaulohan , duha ka semana na ang nilabay.
Sa pag-post ni Anne sa maong hulagway, gikagubtan dayon kini sa Pinoy fans sa maong Korean star.
Kasagaran niini ang nagkanayon nga hayahay kaayo si Anne gumikan kay natuman na gyud ang pangandoy niini nga mahimamat sa personal ang giidolo niini nga Korean actor.
Maria Ressa tabangan ni Amal Clooney
Paluyohan sa international human rights lawyer nga si Amal Clooney ang CEO sa Rappler ug Pinay journalist nga si Maria Ressa . Usa ka Lebanese-British lawyer si Amal ug nagikan siya sa sikat kaayo nga law firm nga nagbase sa London , ang Doughty Street Chambers.
Si Amal ang nagkumpirmar sa maong balita kauban ang iyang co-legal counsel nga si Caoilfhionn Gallagher.
“Maria Ressa is a courageous journalist who is being persecuted for reporting the news and standing up to human rights abuses. We will pursue all available legal remedies to vindicate her rights and defend press freedom and the rule of law in the Philippines,” suma pa sa statement ni Amal. Si Amal maoy kapikas sa sikat nga Hollywood actor nga si George Clooney.
- Latest