Aprubado ni Julia
CEBU, Philippines – Tsika pa ni Janella Salvador nga aprubado ni Julia Barretto ang ilang tandem ni Joshua Garcia. Matud pa ni Janella nga higala silang tulo ni Julia ug Joshua mao nga sa dihang nasayran nila ang maong balita, dali nga mihatag sa blessing si Julia alang nilang duha ni Joshua.
Anne isip transman
Usa ka transman ang karakter ni Anne Curtis alang sa usa ka espesyal nga episode sa ‘Maalaala Mo Kaya’. Gani, gisugdan na karon ang shooting niini didto sa Bulacan. Ang maong episode mahimo kini nga kabahin sa ika-28 nga anibersaryo sa maong programa.
Walay labot ang ex
Wala pa gyud magpaputol og buhok ang Kapuso aktres nga si Kim Domingo. Matud pa niya nga nagsul-ob siya og wig aron nga dili siya makurat sa iyang bag-ong awra. Gitataw niya nga kun magpaputol siya og buhok, walay labot sa rason ang iyang ex-boyfriend nga si Mike Acuña kinsa mao ang tinubdan kun nganong broken-hearted siya karon.
Mo-eskwela sa Amerika
Anaa karon sa Estados Unidos ang anak ni Ruffa Gutierrez ug Ylmaz Bektas nga si Lorin Gutierrez aron nga sudlon ang dream school niini nga University of California Los Angeles (UCLA). Kuhaon ni Lorin ang Economics. Tulo kini ka semana nga tun-an ni Lorin gumikan kay mao kini ang usa sa mga gitanyag sa maong tunghaan isip lakip sa ilang summer course.
Gipadayon ang pagtabang
Gipadayon ni Miss World-Philippines 2018 Katarina Rodriguez ang iyang adbokasiya alang sa kabataan sa Marawi. Mao kini ang usa sa mga highlight sa torno karon ni Katarina isip Miss World-Philippines.
Gihilom ang kaminyoon
Giasoy ni Charo Santos-Concio kun nganong gitago niya ang iyang pagpakasal sa iyang bana kaniadto nga si Cesar Rafael Concio Jr. Matud pa nga 24 ka tuig nga maguwang ni Charo ang iyang bana kun diin mao kini ang usa sa mga dakong rason kun nganong hilom lang ang ilang kaminyuon. Matud pa ni Charo nga dako kini nga isyu kaniadto .
Mosulod sa military
Bag-ohay lang nga mibisita sa Sulu ang action star nga si Robin Padilla aron nga ikampanya ang kalinaw sa atong nasud. Sa pagbisita niya sa maong dapit , gianunsyo sa Philippine Army nga buot ni Robin nga mahimong usa ka army reservist.
Tulo ka tuig
Mapasigarbuhon nga gibutyag ni Sharon Cuneta aduna gyu’y resulta ang iyang pagpakunhod sa timbang. Matud pa ni Sharon nga tulo ka tuig na niya gisugdan ang iyang pagpagamay sa iyang lawas.
Laing butang
Suwayan na ni Bea Alonzo ang pagbuhat og script alang sa mga pelikula. Mihatag gyud siya og higayon aron magpaubos og scriptwriting workshop ni Ricky Lee.
Naglisod pagbalik
Gitug-an ni Aicelle Santos nga naglisod gyud siya sa iyang pagbalik sa theatre play sa ikapito nga ‘Rak of Aegis’. Usa sa mga orihinal nga cast si Aicelle sa maong pasundayag apan wala siya nalakip sa Season 6 niini gumikan kay na-busy siya sa World Tour sa Miss Saigon. “For the past weeks na nagti-TDR (technical dress rehearsal) kami, I’ve been talking to my director and my co-actors. Sabi ko, sa totoo lang medyo nahirapan akong hanapin ulit si Aileen, ‘yung youthful na Aileen, ‘yung dreaming, bago, at fresh”, suma pa ni Aicelle.
- Latest