Panit ko, ampingan ko
CEBU, Philippines — Sa panahon karon, daghan na kaayo og arte ang mga kabatan-onan ug usa na niini
ang paglikay nga madaot ang ilang panit.
Suma pa sa mga eksperto, duna ra ma’y simple nga pamaagi aron lang gyud malikay nga mag-uga ang panit nga dili na kinahanglan mogasto pa og maayo.
Matud pa nga dili kaayo lisod ang pagmintinar sa kahamis sa panit.
Una na ninii ang dili pag-istar og taas nga oras sa pagbulad sa adlaw aron malikayan ang pagkasunog sa panit.
Importante usab kaayo ang pag-inom og daghang tubig sanglit usa kini sa pamaagi aron dili mag-uga ang panit.
Ang pagkaon og prutas ug utanon mao pu’y sekreto sa uban kun nganong hayag kaayo ang ilang panit gumikan sa presensya sa daghang minerales niini.
Dili usab maayo ang pagpanigarilyo. Ang tawo nga magsige og panigarilyo, maklaro gyud ang pagka-uga sa ilang panit.
- Latest