Mga anak ni Sarah

CEBU, Philippines – Tsika pa ni Sarah Geronimo  nga proud siya sa iyang mga alaga kaniadto  sa  “The Voice of the Philippines”  nga nagkasaka  gyud ang showbiz career.

Nahimong coach si Sarah kaniadto nila ni Darren Espanto, Morissette ug Kyle Echarri nga sikat kaayo karong panahona.

“Iyon naman po talaga ‘yung goal ng show, ‘no — para matupad ‘yung pangarap ng mga pumapasok po dito, na minsang nangarap, whether ito ‘yung stepping stone nila para maging artista, o maging international star.Masarap sa pakiramdam, iyong talagang with pride na sasabihin mo: ‘She came from my team!’ Talagang maipagmamalaki mo,” tsika pa ni Sarah ngadto sa ABS-CBN News.

Nasayran nga gisugdan na  ang  Blind Auditions sa bag-ong season sa  “The Voice Kids.”

Giisip ni Sarah nga iyang mga anak ang mga kanhi niya alaga.

 “Just never stop believing in yourself. At saka, totoo ‘yun, e — may timing ang lahat ng bagay. Hindi man sila nanalo sa show… Katulad ni Darren, ni Morissette, si Kyle… May mga pagkakataon na matatalo tayo sa buhay, pero hindi iyon ang katapusan ng lahat. Kumbaga, iyon ay setup lang sa atin ni Lord, preparing us for something greater, something better, or the best plan for us!,” matud pa niya.

Hatagan og laing proyekto

Gihatagan sa GMA-7 og laing proyekto   sila si Thea Tolentino ug Jeric Gonzales human  gipahunom ang  Rosang Agimat.

Malakip  si  Thea sa cast sa  Madrasta, usa kini ka  upcoming afternoon drama series sa GMA-7 kun diin makapares niya si   Juancho Trivino.

Samtang si  Jeric usab ang makauban ni Alice Dixson sa upcoming Kapuso  show  nga  Protégé.

Kahinumdoman nga gipahunom na sa GMA-7 ang taping sa Rosang Agimat human naaksidente sa set ang beteranong aktor nga si  Eddie Garcia.

Samtang ang laing cast sa maong serye nga si Gabbi Garcia, wala pa’y ideya kun unsa ang balhinan niya nga programa.

KathDen mobalik sa HK

Motambong og usa ka kalihokan sa Hong Kong  sila si  Kathryn Bernardo  ug Alden Richards  busa mobalik sila sa maong dapit.

Kahinumdoman nga sa maong lugar gi-shoot nila ni Kathryn ug Alden ang pelikula nila nga Hello, Love, Goodbye .

Gisuportahan sa duha ang Hong Kong Tourism Board  ug makauban nila sa maong kalihokan ang ubang cast sa Hello, Love, Goodbye nga sila si Lovely Abella, Jeff Tam, Kakai Bautista  ug  Joross Gamboa.

Pagtabang ni Nadine nasakpan

Gidayeg og maayo si Nadine Lustre sa   LGBT Community  gumikan kay  nitunol  gyud kini og donasyon alang sa kalamposan sa Pride March sa miaging  adlaw didto sa kaulohan kun diin niapil gyud sa parada ang aktres.

Wala nagpahalata ang aktres nga usa siya sa mga donor gumikan kay nigamit siya sa pangalan nga Alexis  sa listahan sa mga donor  apan nasakpan gihapon siya.

Matud  pa nga dili gusto mahibaw-an si Nadine  sa iyang gibuhat gumikan gusto lang siya motabang sa hilom nga pamaagi apan walay mahimo ang aktres sanglit nikatap na ang maong istorya sa social media.

Anne mosalmot sa Tokyo Marathon

Mosalmot si Anne Curtis sa umaabot nga Tokyo Marathon karong  2020. Katapusang nisalmot si Anne og marathon nahitabo niadtong 2018 didto sa London.

Dakong garbo alang kang Anne nga makasalmot og international marathon.

Bisan sunod tuig pa kini mahitabo,  dili maglangan si Anne sa pagsugod na sa  iyang training.

Liza gioperahan og balik

Gioperahan og  balik  ang tudlo  ni Liza Soberano   ug padayon karon nga nagpaalim ang aktres didto sa  Los Angeles ,California.

Gikuyogan gihapon siya sa iyang boyfriend nga si  Enrique Gil.

Kahinumdoman nga na-fracture ang tudlo ni  Liza atol sa taping niya kaniadto sa teleseryeng Bagani.

Gipaubos ang aktres og internal fixation, usa kini nga matang sa surgery  aron pormahon og balik ang nabali nga mga bukog.

Tungod sa maong hitabo,  niatras si Liza sa movie adaptation sa Darna.

Denise mapasalamaton sa Probinsyano

Mapasalamaton si Denise Laurel nga nahimo siya nga kabahin sa teleserye ni Coco Martin nga Ang Probinsyano  ug nalingaw gyud siya og maayo sa maong show.

“I love the show. The energy over there, yung vibe, yung work ethic. Yung bilis ng takbo ng set is riveting and fun,” saysay pa sa aktres sa interview niini sa Tonight With Boy Abunda.

Matud pa niya nga  action gyud  ang iyang “forte” busa naka-adjust ra gyud siya sa maong show.

Sa laing bahin, interesado  si Denise nga mahimong Valentina  sa movie remake  sa Darna.

Todo suporta si Karla

Gipasalig  ni Karla Estrada nga suportahan niya ang bag-ong  pelikula sa Star Cinema nga “Hello, Love, Goodbye” nga gibidahan nila ni  Kathryn Bernardo ug Alden Richards.

“Of course, we are very excited and todo-support tayo sa movie na ito talaga,” tsika pa niya atol sa episode sa Magandang Buhay kagahapon.

Suma pa sa aktres nga kinahanglan gyud ang suporta sa tanang Pinoy sa  local movies.

Ayon kay Karla, kailangan ang suporta ng bawat isa pagdating sa pelikulang Pilipino.

“Walang imposible kapag nagkakaintindihan at saka iisa ang industriya. Kaya masaya tayo na nagkakasama-sama ang lahat ng mga artista,” matud pa ni Karla  nga inahan sa uyab ni Kathryn nga si Daniel Padilla.