Julie at Christian, level up sa pagpeperform

MANILA, Philippines —All set na to conquer the Cagayan de Oro concert stage sina Julie Anne San Jose at Christian Bautista para sa kanilang The Sweetheart and The Balladeer: Fun Night Only bukas, July 6! Makakasama nila rito ang Kapuso viral comedic duo na sina Donita Nose at Super Tekla pati ang Inside StarStruck online host na si Kyline Alcantara.

Kwento ni Christian, nais nila mapantayan ang energy ng kanilang special guests kaya mag-le-level up sila sa kanilang performances this time. Sumang-ayon dito si Julie at kahit na busy siya sa pageensayo para sa isa pa niyang concert this July, ibibigay din daw niya ang kaniyang “A” game para sa mga Kapusong Kagayanons!