Lovi umeksena sa Royal Ascot sa England

Nag-feeling Prinsesa

Umeksena si Lovi Poe sa  Royal Ascot event sa England with a date.

Yup, inilantad ng sexy actress ang date niya sa nasabing event sa social media kahapon.

Sosyalan ang nasabing yearly horseracing event sa Berkshire, England, na patalbugan daw ng suot na damit at hat. “My Hat date to the races #RoyalAscot,” sabi ni Lovi.  Meron pa siyang picture na nasa loob ng limo na parang prinsesa ng Englatera.

Ayon sa website ng Ascot Royal : “As Britain’s most valuable race meeting, attracting many of the world’s finest racehorses to compete for millions of pounds in prize money, Ro­yal Ascot is anticipated and revered the world over.

Sabi pa: “Royal Ascot is equally synonymous with sartorial elegance and is awash with colourful fashions as well as the most magnificent millinery creations,” bahagi ng overview ng event.

Wala namang binanggit si Lovi kung anong pangalan ng ka-date niya basta ang isang sigurado, hindi ito basta-basta.

Mabilis namang pinusuan ng mga kaibigang celebrity ni Lovi ang paglalantad niya sa bagong date.

Madalas nang nasa abroad si Lovi lately. Umuwi man siya ng bansa, parang sandali lang at mabilis umaalis.

Anyway, si Queen Elizabeth lang naman ang isa sa mga dumalo sa nasabing annual event. Andun din si Demi Moore, The Duchess of Cornwall, The Duke and Duchess of Cambridge at iba pang mga bigating personalidad sa England. Pero hindi isang araw ang event kaya iba-ibang araw ang mga sikat na andun.

At least, ibang level si Lovi.

May mga nanghuhusga naman agad kay Lovi na hindi sila magtatagal ng nasabing ka-date.

Ang Filipino-French na si Chris Johnson ang huling naka-date ng sexy actress.