Maria Ressa pasok sa MV ni Madonna
CEBU, Philippines – Nilugwa ang big boss sa Rappler nga si Maria Ressa sa bag-ong music video sa pop icon nga si Madonna nga naghisgot og kalibutanong pakigbisog sa katungod.
Ang bag-ong kanta ni Madonna nag-ulohan og “I Rise” ug gawas sa paghisgot og press freedom, nagtuki ang maong music video ang pakigbisog sa mga patas nga pagtrato sa LGBT Community.
Gi-feature usab niini ang Filipino press freedom protesters ug ang napriso nga Myanmar Reuters journalist.
Ideya gyud kini ni Madonna ug nakig-partner siya sa TIME Studios.
Kalmadong tubag ni Regine
Kalmadong gitubag ni Regine Velasquez ang iyang basher kinsa nitawag kaniya og “balyenang laos.”
Suma pa ni Regine nga wala siya manginhanglan og tawo nga nagtuyong sa negatibong panghuna-huna.
“This is so sad now I understand why there are celebrities who deactivate their social media accounts. There are so many “mean” people out there who wish ill on anyone who experience the simple joys in life. I feel sad for you. Again if you do not like us unfollow ang daling gawin hindi hindi mo na kami makikita sa feed mo. God bless,” mensahe pa ni Regine ngadto sa iyang basher.
Eddie gi-cremate na
Isip pagsunod sa iyang gusto, na-cremate na ang beteranong aktor nga si Eddie Garcia kinsa nipanaw niadtong Huwebes sa hapon.
Nasugdan ang pagpa-cremate sa ala una sa kadlawn kagahapon nga gitambongan sa iyang pamilya.
Nihatag usab og mensahe silla si Bibeth Orteza, Tirso Cruz III ug Phillip Salvador.
Kahinumdoman nga sa nangagi nga mga interview ni Eddie, nipadayag kini nga ganahan gyud siya nga i-cremate dayon sa higayon nga mawala na siya sa kalibutan.
Gipadayag usab niini kaniadto nga iyaha na nga gibayran daan ang iyang pagpa-cremate.
“Ayoko yung nakahiga ako, ‘tapos tinitingnan ka nila, ayoko ng ganun, na parang exhibit.Kaya from death bed, crematory na, piprituhin ka kaagad!,” saysay pa beteranong aktor sa nangagi nga interview niini.
Kahinumdoman nga nadisgrasya ang 90 anyos nga aktor atol sa taping niini sa usa ka action series sa GMA-7.
Gipanganak si Eddie niadtong May 2, 1929 sa Sorsogon, Sorsogon.
Nagsugod ang iyang acting career niadtong 1949 pinaagi sa pelikulang Siete Infantes de Lara.
Sulod sa pito ka dekada , nakagama na si Eddie og 300 ka pelikula ug kapin sa 30 ka teleserye .
Pipila sa iyang mga pelikula nga sikat kaayo: Dear Heart (1981), Nagalit Ang Buwan Sa Haba Ng Gabi (1983), May Lamok Sa Loob ng Kulambo (1984), Kung Mahawi Man ang Ulap (1984), Kapag Puno Na Ang Salop (1987), Ang Supremo (1988), Ako Ang Batas (1988), Ako Ang Huhusga: Kapag Puno Na Ang Salop Part II (1988), Dalagang Ilocana (1954), ug Hindi Ka Na Sisikatan Ng Araw: Kapag Puno Na Ang Salop Part III (1990).
Nagbaha usab ang iyang action films: Hukom. 45 (1990), Mayor Latigo (1991), Magdaleno Orbos: Sa Kuko Ng Mga Lawin (1991), Andres Manambit: Angkan ng Matatapang (1992), Maestro Toribio (1993), Padre Amante Guerrero (1993), Ultimatum (1994), Marami Ka Pang Kakaining Bigas (1994), Mayor Cesar Climaco (1994), Melencio Magat: Dugo Laban sa Dugo (1995), Emong Salvacion: Oras Ka Nang Magtago Sa Pinanggalingan mo! (1996), Papunta Ka Pa Lang, Pabalik Na Ako (1997), ug Padre Kalibre (1997).
Niadtong June 18, siya ang natuboy nga Best Actor sa Gawad Urian gumikan sa maayo niya nga performance sa pelikula nga ML.
Pipila sa mga teleserye niya sa GMA-7, naglangkob sa Kung Mawawala Ka, Darna (2005), Majika, Asian Treasures, Joaquin Bordado, Totoy Bato, Darna (2009), ug Legacy.
Samtang sa ABS-CBN, nalakip usab siya sa teleserye nga Juan dela Cruz, Little Champ, Honesto, Sana Bukas Pa Ang Kahapon ug Nathaniel. Nahimo usab siya nga kabahin sa long-running primetime series ni Coco Martin nga FPJ’s Ang Probinsyano.
Sa pagbalik niya sa sa GMA-7 karong tuiga, malakip unta siya sa Rosang Agimat apan nadisgrasya siya sa taping niini nga maoy rason sa iyang pagka-comatose nga niresulta sa iyang kamatayon.
Nipadangat usab og statement ang GMA-7 kalabot sa ilang pagbangotan sa nahitabo sa beteranong aktor.
“GMA Network deeply mourns the passing of veteran actor Eduardo “Eddie” Verchez Garcia. Manoy,” as he is fondly called, will be greatly missed by his family, loved ones, co-workers, and fans. An accomplished and respected actor and director, he was a movie icon and an industry pillar who has touched so many lives in the Philippine entertainment industry. He left behind a legacy of professionalism, dedication, and love for his craft.The Kapuso Network joins his family and the whole entertainment industry in mourning his passing,” statement sa GMA-7.
- Latest