Kris makabaton og pelikula
CEBU, Philippines – Nibalik napud sa pag-aktibo si Kris Aquino sa social media ug ni-post napud kini og mensahe sa Instagram dili pa lang dugay.
Giingong sakto ang lenggua sa mga kritiko ni Kris nga dili ra kini kaantos sa pagpahuway sa social media.
Nangayo og pasaylo si Kris sa mga tawo nga nagtoo nga iyaha kining gi-block.
“I’m sorry, I temporarily disabled with no explanation & some got offended thinking they got blocked,” suma pa sa iyang IG post. Nag-post usab si Kris sa mga poster sa nangagi niya nga horror films.
Mipasumbingay usab si Kris nga duna siya’y umaabot nga proyekto nga pagasugdan karong September
Nitumaw ang taho nga pelikula ang pagabuhaton ni Kris.
“I won’t give specific details, mabait ang producers because I had asked to start in September when I feel my immunity can take on the physicality required, but for now I need to strengthen myself. I’m learning to exercise that with myself, too,” saysay pa niya.
Katapusang pelikula ni Kris mao ang “I Love You, Hater” niadtong 2018 ug duna pud siya’y mubo nga partisipasyon sa international film nga “Crazy Rich Asians” .
Nagpanikad na ang fans ni Kris sa umaabot nga proyekto niini.
Park Bo Gum mobisita sa nasud
Motikang sa Pilipinas ang sikat nga Korean star nga si Park Bo Gum karong Sabado (June 22) ug gikahinaman na kini og maayo sa iyang Pinoy fans.
Ang maong kalihokan nag-ulohan og “Park Bo Gum’s 2019 Asia Tour: May Your Every Day Be A Good Day” nga mahitabo sa Mall of Asia Arena.
Usa sa mga sikat kaayo nga teleserye ni Park Bo mao ang “The Love In The Moonlight”.
Gawas sa Pilipinas, nalakip usab sa iyang Asian Tour ang Japan, Thailand, Singapore, Hong Kong, Indonesia, Malaysia,ug Taiwan.
Nasayran nga molugwa usab sa ABS-CBN sulod karong tuiga ang drama series ni Park Bo nga “Encounter” kun diin makauban niya ang sikat nga Korean actress nga si Song Hye Kyo.
Concert sa Chainsmokers gikanselar
Dili na madayon ang concert sa ‘Chainsmokers’ dinhi sa Pilipinas nga mahitabo karong August 15 .
Gianunsyo kini sa concert promoter nga MMI Live pinaagi sa ilang Facebook page kagahapon .
Matud pa nga duna’y wala damha nga kakulian sa production hinungdan nga dili kini madayon.
Mohatag hinuon sila og refund sulod karong semanaha alang sa mga tawo nga nakapalit na og tickets. Kahinumdoman nga nakabisita na sa nasud ang ‘Chainsmokers’ niadtong 2014 ug 2017.
Bodie, nagpastor na
Hingpit na nga usa ka pastor ang kanhi Pinoy Big Brother housemate nga si Bodie Cruz kinsa anak sa beteranong aktor nga si Tirso Cruz III.
Si Bodie mao ang ikaduhang anak ni Tirso sa iyang asawa nga si Lynn Ynchausti.
Pagkahuman og salmot ni Bodie sa PBB niadtong 2007, nakabaton dayon kini og ubay-ubay nga acting projects.
Michael V nanghugyaw na pud!
Trending gihapon ang cover video ni Michael V alang sa iyang version sa awit ni JK Labajo nga Buwan ug gimugnaan niya kini og titulo nga Naman.
Nagbaha ang mga ni-share niini sa social media.
Banggiitan si Michael V sa natad sa pagkomedya busa kanunay gyud nga pistahan sa netizens ang iyang mga video.
Junior New System misalmot sa WGT
Padayon nga nihatag og dungog sa nasud ang Filipino dance group nga Junior New System pinaagi sa pagsalmot nila sa “World’s Got Talent” karong tuiga.
Nakadawat ang maong grupo og mga pagdayeg gikan sa mga hurado tungod sa hugyaw nila nga performance atol sa ilang pag-audition sa maong show.
Gisayaw nila ang gi-remix nga mga kanta nga naglangkob sa “Don’t Stop the Music,” “Love on Top” ug “Crazy in Love.”
Kahinumdoman nga nakaapil na ang maong grupo kaniadto sa “America’s Got Talent” (2018 ) ug “Asia’s Got Talent” ( 2015).
Kyle gisurpresa ni Francine
Malipayon kaayo si Kyle Echarri sa pagsaulog sa iyang birthday human siya gisurprisa sa iyang ka-loveteam nga si Francine Diaz.
Sa video nga gi-post sa Instagram, makita nga nakugang si Kyle sa dihang kalit nga nipatim-aw si Francine ug nikanta og happy birthday.
Naumol ang tandem sa duha sa teleseryeng Kadenang Ginto sa ABS-CBN.
Nikulit na usab sila og solid followers gumikan sa makakilig nila nga eksena sa maong programa.
- Latest
