Angel adunay 31 scholars
CEBU, Philippines – Gituman gyud ni Angel Locsin ang iyang saad nga dugangan ang mga tawo nga iyang tabangan isip selebrasyon sa bag-o niya nga milestone sa social media. Mapasigarbohong gipadayag ni Angel nga duna siya’y 31 ka scholars.
Nagmaya og maayo ang aktres gumikan kay lima na ka milyon ang iyang followers sa Instagram ug duna pud siya’y 11 million followers sa Twitter.
“I believe that education is one of the best gifts we can share to others and that empowered individuals can help shape a bright future,” suma pa sa aktres. Mapasalamaton siya sa iyang followers gumikan kay wala gyud kini nibiya kaniya.
“Thank you to all my 5.5M Instagram and 11M Twitter followers for being there since the beginning, through all the challenges and milestones,” suma pa ni Ang
el.
Dili na bag-o kang Angel ang pagtabang sa iyang isigkatawo, sanglit aktibo usab kini sa mga kalihokan sa Philippine Red Cross .
Nanumpa na isip abogada
Nanumpa na isip abogada niadtong Huwebes si Binibining Pilipinas International Bea Patricia Magtanong.
Suma pa ni Bea nga mohatag una siya sa iyang konsentrasyon sa umaabot nga Miss International pageant.
“I want to concentrate on this dream of mine, which is to become a beauty queen,” saysay pa niya.
Nigradwar siya sa University of the Philippines ug usa siya nalakip sa 1,800 passers sa 2018 Bar Exams. Usa sa iyang mga adbokasiya mao ang pag-hingusog sa katungod sa mga piniriso.
“I want to be a voice for the voiceless and I want to speak out for the marginalized sectors as well,” sayasay pa sa beauty queen.
Marian mibalik na sa trabaho
Puwerting lipaya ni Marian Rivera nga nga nakabalik na siya sa trabaho human sa duha ka buwan nga pagpahuway sa showbiz gumikan sa paghimugso niya sa ikaduhang anak nila ni Dingdong Dantes nga si Ziggy.
“Happy to be back on the set! Can’t wait to share with you our newest tvc,” suma pa sa IG post sa aktres. Nasayran nga gimingaw og maayo ang fans ni Marian nga makakita sa ilang idolo sa TV screen.
Endorsements ang kasamtangang giatiman karon ni Marian ug wala pa matino kun kanus-a siya makabalik sa mga teleserye.
Cebu gipangandoy sa bida sa “The Crown Princess”
Nitikang sa Pilpinas ang Thai-Norwegian star ug bida sa “The Crown Princess” nga si Urassaya Sperbund alang sa promosyon sa turismo sa Thailad ug pakighimamat sa iyang Filipino fans.
“I am very excited. This is my first time here and I’ve been dying to come for the longest time so I’m very happy,” suma pa niya.
Gawas sa iyang mga kalihokan nga tambongan didto sa kaulohan karong adlawa, plano niya nga molaag dinhi sa Cebu kun makabaton og bakanteng oras.
“I really, really would love to go to your beaches. Cebu is on top of my list right now, so definitely will find time to explore after this,” matud pa niya.
Giangkong Urassaya nga kanunay gyud siya masaypan nga usa ka Pinay.
“Actually when I was younger, everywhere I go, people would come towards me and speak to me in Tagalog because they also always thought I was Filipino. So I’d felt a connection with the Filipinos since I was younger and I’m very happy to be here,” saysay pa niya.
Nalakip siya sa listahan sa ambassadors sa Tourism Authority of Thailand (TAT).
Nagpasalamat usab siya sa tanang Pinoy nga nisuporta sa of “The Crown Princess”.
Masaypan nga garbosa
Giangkon ni Jessy Mendiola nga kanunay gyud siya masaypan nga garbosa nga pagkatawo tungod kay dili siya una motingog.
Sa iyang latest vlog entry, nangutana si Jessy sa iyang followers kun unsa ang ilang first impression sa aktres.
Kasagaran sa iyang nabasa nagkanayon nga maldita siya og nawong.
Matud pa niya nga dili gyud siya hinagad aron dili siya matawag nga “feeling close”.
“Siguro dahil iniisip nila na mataray ako, suplada ako, baka hindi nila ako gustong lapitan but seriously, if you want to approach me, to talk to me, I’d be more than glad to talk to you,” suma pa niya.
- Latest