Sarah at Kathryn tie na Best Actress!

SEEN: Tie sina Sarah Geronimo at Kathryn Bernardo sa Best Actress category ng 35th Star Awards for Movies na ginanap sa Newport Performing Arts Theater ng Resorts World Manila noong Linggo, June 2, 2019. Nanalo si Sarah para sa performance niya sa Miss Granny ng Viva Films at napanalunan ni Kathryn ang unang best actress trophy nito dahil sa pagganap niya sa The Hows of Us ng Star Cinema.

SCENE: Best actor awardee si Ogie Alcasid, ang bida sa Kuya Wes. Isa si Ogie sa mga pinakamaaga na dumating at kasama niya ang kanyang misis na si Regine Velasquez.

SEEN: Hindi matapos-tapos ang pasasalamat ni Sanya Lopez, ang New Movie Actress of the Year winner para sa kanyang launching movie, ang Wild & Free ng Regal Entertainment Inc. Tie naman sa New Movie Actor of the Year category si Ryle Santiago at si Danzel Fernandez, ang anak ni Shiela Ysrael at ng actor-politician na si Dan Fernandez.

SCENE: Movie Director of the Year si Joel Lamangan at Movie of the Year ang kanyang pelikula na Rainbow’s Sunset ng Heaven’s Best Entertainment.

SEEN: Labindalawang artista ang pinarangalan bilang Natatanging Bituin ng Siglo sa 35th Star Awards for Movies pero hindi kumpleto ang attendance dahil hindi nakadalo sina Nora Aunor, Vilma Santos, Anita Linda at Susan Roces at Manila City Mayor Joseph Estrada. Mga awardee rin ng Natatanging Bituin ng Siglo sina Eddie Garcia, Ramon Revilla, Sr., Gloria Romero, Phillip Salvador, Tirso Cruz III, Niño Muhlach at Christopher de Leon.  

SCENE: Dumalo si Robin Padilla dahil sinamahan niya si Phillip Salvador, isa sa mga Natatanging Bituin ng Siglo awardee. Parehong loyal supporters ni President Rodrigo Duterte sina Robin at Phillip.

SEEN: Si Senator-elect Bong Revilla, Jr. ang taga-tulak ng wheelchair ng kanyang ama, si former Senator Ramon Revilla, Sr., isa sa mga touching moment sa 35th Star Awards for Movies.