Christian marami pang nadidiskubre sa asawa
Malaki ang ipinagbago sa buhay ni Christian Bautista mula nang magkaroon ng asawa. Matatandaang pinakasalan ng singer noong November, 2018 si Kat Ramnani.
“It feels fantastic. You go home to someone who loves you. You go home to someone you love. It makes your day immediately complete right away. You have a partner who will be by your side. These are all clichés pero it’s true. So someone who’s always by your side no matter what,” makahulugang pahayag ni Christian.
Kahit mahigit anim na buwan nang kasal ay hindi pa raw nagpaplano na magkaroon ng anak ang mag-asawa. Nakatakdang magbakasyon nina Christian at Kat sa Africa sa darating na Kapaskuhan. “Schedules unfortunately. Pero we wanted to go sa Africa by December because it’s the best time to go. Mutual decision naman to go there and we’ve both never been there and we want to see animals and we want to see the great continent and country. We’ll see, that baby planning, baby making, baka next year na ‘yan,” paglalahad ng singer.
Sa ngayon ay maraming mga bagay pa raw ang nadidiskubre ni Christian sa asawa. “She’s an excellent planner. Talagang siya ‘yung detailed, ako ‘yung broad strokes. So talagang nagku-complement kami,” giit ni Christian.
Sofia inilantad ang formula kung bakit makinis ang balat
Kapansin-pansin ang pagkakaroon ni Sofia Andres ng makinis na balat. Ayon sa dalaga ay mayroon siyang ilang sikreto upang mapanatiling makinis lalo na ang kanyang mukha. “Keep it simple. Moisturize, stay fresh. First thing in the morning I wash my face. I just put moisturizer on and that’s it,” nakangiting bungad ni Sofia.
Bilang isang artista ay normal na ang paglalagay ng make-up sa tuwing nagtatrabaho. Nagkakaproblema umano si Sofia kapag maraming mga produkto ang inilalagay sa kanyang mukha. “If I put on so many products, my skin acts up. So I just put the aloe vera soothing gel which is really all in one. It reduces blemishes, fights wrinkles, balances our skin. When it’s an ordinary day, I keep it to a minimum. Kasi it’s important also to make your skin breathe,” dagdag pa ng aktres.
Bukod sa paggamit ng ilang skin products ay kinakailangan daw na palaging umiinom ng tubig lalo pa’t mainit ang klima sa bansa. “Nandito kasi tayo sa country na mainit. So I always make sure that I keep hydrated all the time. I’m a firm believer that whatever you put in your body reflects on your skin. I drink water and fruit juices to help my skin look pretty and it really helps,” pagtatapos niya. (Reports from JCC)
- Latest
