Doble Hataw
CEBU, Philippines — Adunay mahitabong kolaborasyon nila ni James Reid ug Daniel Padilla. Silang duha mao ang bag-o nga gi-feature sa espesyal nga proyekto sa usa ka brand sa soft drinks. Gitawag nila ang maong proyekto og “Doble Hataw”.
Gusto makaistorya
Gusto nga makaistorya ni Dennis Padilla si Joshua Garcia kinsa giingong uyab sa iyang anak nga si Julia Barretto. Miabot sa iyaha ang balita nga nagkawalay klaro ang relasyon nila ni Julia ug Joshua. Naghuwat si Dennis nga moreach-out kini kaniya apan aduna say miingon nga nahadlok ang aktor kaniya.
Tingog sa mental health
Nahimong tingog ang mag-asawa nga Nonie ug Shamaine Buencamino sa mental health awareness karon. Matod pa nilang duha nga nahimong wake up call ang nahitabo nga pagkalas sa kinabuhi sa ilang anak nga si Julia niadtong 2015. Gipanganlan sa mag-asawa ang ilang adbokasiya nga “Julia Buencamino Bench Project”.
Bag-ong idalit ni Jerome
Aduna nay natigom nga igong kompyansa si Jerome Ponce sa iyang pag-arte. Malipayon siya nga naabot ang pelikula nga “Finding You” kun diin aduna siya’y daghang mga nasuwayan nga mga butang nga wala niya damha nga iya kining mabuhat. “Exciting ito kasi first time kong mag-ta-topless, first time ko magkakaroon ng ewan ko, bed scene ba tawag dun? Pero ito, very wholesome naman siya”, suma pa ni Jerome.
Dili scripted
Gitataw ni Moira Dela Torre nga dili scripted ang ilang gamay nga panaglalis ni Regine Velasquez sa usa ka episode sa ‘Idol Philippines’ nga mi-ere niadtong duha ka sa semana na nga milabay. Kabahin kini sa pareho og singing style niya nga nadungog sa audition. “Totoo naman po, (scripted?) hindi. Totoo po ‘yun. Kasi sunod-sunod sila , hindi ko nga alam na sunod-sunod din ba pinakita ‘yung audition, tapos hindi ko alam na ako din ‘yung influence nila, so noong pang tatlo na, nagtago na ako (tupad ni James Reid) alam ko na sasabihin niya (Regine Velasquez), but after every taping, we’re so light and masaya po kami sa set,” suma pa ni Moira.
Walay shortcut
Duha ka dekada nga nanikaysikay ang aktres nga si Jodi Sta. Maria ug matud pa niya nga walay shortcut sa gitagamtam niya nga kalampusan sa iyang showbiz career. Matud pa ni Jodi nga lisod gyud ang kinabuhi sa showbiz ug daghan pa nga pagsuway ang agian aron nga magmalambuon kini.
Lifestyle change
Aduna na gyu’y major lifestyle change ang 25 anyos nga aktres nga si Lauren Young karon nga nagpangidaron na siya og 25 anyos. Ang gibuhat sa aktres mao ang pagpamaligya sa mga butang nga dili na niya kinahanglanon sama pa sa iyang sakyanan ug ang iyang private space. Mibalik siya sa iyang pamilya ug giminusan na sab niya ang pag-shopping.
Gusto mag-food blogger
Gisaulog ni Manay Lolit Solis ang iyang ika-72 nga adlaw’ng natawhan karong buwana. Matud pa niya nga usa nalang ka karera ang buot niya nga sudlon ug mao ang mahimong food blogger aron daghan siyang madawat nga mga regalo nga pagkaon.
Nagpaopera sa Amerika
Mitikang na sa Amerika si Liza Soberano aron nga magpaubos og operasyon sa iyang fractured finger human nga naaksidente sa taping sa serye nga ‘Bagani’. Kauban ni Liza ang iyang igsuon nga si Justin aron nga mabantayan siya sa maong operasyon.
Andam sa mature roles
Andam na si Loisa Andalio sa mas mature ug mas drama nga mga role. Nag-edad na og 21 aktres ug matud pa niya nga kinahanglan na niya mga maglevel up aron aduna na siya’y makita nga kalambuan sa iyang karera.
- Latest