2NE1 nag-reunion

CEBU, Philippines — Nag-reunion sa miaging adlaw ang sikat nga Korean pop group kaniadto nga  2NE1 .

  Kahinumdoman nga nabungkag ang maong grupo niadtong 2016 human nag-solo ang pipila ka mga sakop niini.

Nagkatapok ang mga miyembro  nga sila si CL, Sandara Park, Gong Minzy, ug  Park Bom .

Gi-  Instagram Live  ang ilang reunion ug  gisaulog na unta nila ang ilang  10th anniversary kun wala pa sila nabungkag.

"We can’t thank you enough for the love. How we all wish we can thank each one of you and give you a hug. But I hope this message would be enough for now to show you how much Blackjacks mean to us. Thank you. I love you,” suma pa sa IG post ni Sandara. 

Target ni Sue mokuha og law

Nagplano  si  Sue Ramirez nga mo-eskwela og law apan dili pa niya matino kun kanus-a kini mahitabo tungod sa ka-busy niya sa showbiz.

Matud pa sa aktres nga wala pa gyud siya ni-give up sa iyang pangandoy  busa panghinaot niya nga  mahatagan kini og katumanan sa saktong panahon.

Suma pa ni Sue nga  ang iyang inahan maoy usa sa nisugyot niini   gumikan kay mahiligon gyud siya sa diskusyon .

Action series gipangandoy ni Kyline

Gipangandoy  ni Kyline Alcantara nga malakip sa usa ka  action series aron usab nga masukod kun asa kutob ang iyang abilidad .

Nasayran nga drama series ang naangkon ni Kyline kun diin iyahang napamatud-an ang kalig-on sa  iyang abilidad sa pag-arte.

Nasayran nga dili basta-basta si Kyline gumikan kay gawas sa pag-arte, maayo usab siya mokanta.

Host sa The Clash?

Nitumaw karon ang hungihong nga matud pa si Alden Richards ang himoong host  sa  ikaduhang season sa  The Clash.

Nigawas usab ang taho nga magpabilin nga mga hurado sa maong show sila si  Ai-Ai delas Alas, Christian Bautistaug  Lani Misalucha.

Gipaneguro sa The Clash nga makadiskubre og mga presko  nga contenders  busa nagpadayon gihapon ang audition niini sa nagkalain-laing dapit sa nasud.

Kahinumdoman nga si Regine Velasquez ang  host sa unang season sa The Clash.

Upcoming movie ni Dingdong

Adunay  umaabot nga movie project  si Dingdong Dantes kun diin makatrabaho niya sila si Antoinette Jadaone ug Irene Villamor.

Nasayran nga nag-abot ang tulo niadtong Sabado  ug gihisgotan nila  ang maong proyekto.

Nagpanikad na si Dingdong  niini ilabi na nga si Direk  Antoinette ug Irene ang modumala niini.