Suporta sa higala

CEBU, Philippines —  Wala gyud sipyata ni Janella Salvador ang primiere night sa pelikulang   ‘Between Maybes’ nga gibidahan nila ni Julia Barretto ug Gerald Anderson. Suod nga maghigala sila si Janella ug Julia.

Napildi ang amahan

Nadawat na ni  Toni Gonzaga ang kapildihan sa iyang amahan nga si  Carlito “Bonoy” Gonzaga sa mayoral race sa  Taytay, Rizal.  Nasayran nga incumbent nga bise mayor ang iyang amahan sa wala pa kini nidagan pagka-mayor.

Adlaw sa inahan

Gisurpresa ni Donny Pangilinan ang inahan  nga si  Maricel Laxa-Pangilinan sa miaging adlaw.   Gihatagan niya kini og buwak  og nanan-aw sila og salida sa ilang panimalay. Mao kini ang ilang pagsaulog sa  Mother’s Day.

Mao diay

Tsika pa ni Sandy Andolong   nga nasakit siya sa miaging tuig  ug mao kini ang rason nga nanamilit siya sa  ABS-CBN sitcom nga Home Sweetie Home. Sa dihang niarang-arang na ang iyang  kondisyon, kalit nga gitanyagan siya og project sa GMA-7 ug iyaha dayon kini nga gidawat. Ang maong show nag-ulohan og Dahil sa Pag-ibig.

Gipa-retoke gyud

Wala  gikaulaw  ni Chie Filomeno ang pagparetoke sa  iyang ilong.  Suma pa ni Chie nga gi- caesarian  ang iyang inahan sa dihang gipanganak siya. Giingong naigo ang iyang ilong  hinungdan nga dunay deperensya sa pamorma niini.

Naanad sa bashers

Gitataw ni JK Labajo nga duna siya’y katungod nga mohatag sa iyang opinyon kun duna siya’y dili mauyonan.  Suma pa sa singer nga duna gyu’y ubang tawo ang dali ra kaayo mapungot kun makadungog og opinyon gikan sa uban.

Happy birthday Mommy D

Gisaulog ni Dionisia Pacquiao ang iyang  70th birthday niadtong May 15 pinaagi sa simple nga panihapon.  Gitambongan kini sa  tibuok pamilya ni Mommy D. Gipasalamatan siya sa  iyang mga anak gumikan sa  maayo niya nga pag-atiman  niini.

Friends pa?

Dili makasulti si Julia Barretto kung friends pa ba sila ni  James Reid o dili na. Kahinumdoman nga gidungog  kaniadto nga nahimong uyab sila si  Julia si  James . 

Sekreto na lang

Walay plano si   Ryza Cenon  nga mohatag og detalye sa rason sa break-up nila ni Cholo Barretto. “Sa amin na lang siguro kung ano man yong meron sa ’min,” suma pa sa aktres.