Probinsyano pasok sa Netflix
CEBU, Philippines – Naukyab ang mga Pinoy human nilugwa kagahapon ang teleserye ni Coco Martin nga Ang Probinsyano sa international streaming service nga Netflix
Nasayran nga ang maong serye gibase sa 1997 action film ni anhing Fernando Poe Jr.
Naghisgot kini sa kinabuhi ni SPO2 Ricardo “Cardo” Dalisay kinsa nakigbatok sa mga anomaliya sa gobyerno.
Ang Probinsyano nagsugod niadtong September 28, 2015 ug nagpadayon gihapon kini sa ere tungod sa kakusog niini. Sa pagpasalida niini sa Netflix , nagtangag kini sa international title nga Brothers.
5M Followers
Malipayong gianunsyo ni Angelica Panganiban nga niabot na og 5 milyon ang iyang followers sa Instagram.
Todo pasalamat ang aktres sa iyang fans nga kanunay gyud nga nag-atang sa iyang mga post.
Nasayran nga mahimout kaniya ang iyang fans gumikan sa iyang hugot lines.
Gawad Urian Anne nag-doble ang nominasyon
Nagmaya si Anne Curtis gumikan kay nakaangkon siya og double nominations sa kategorya nga “pinakamahusay na aktres” sa 42nd Gawad Urian ng Manunuri ng Pelikulang Pilipino.
Ang awards night mahitabo karong June 18, 2019 sa UPFI Film Center.
Nominado si Anne gumikan sa hugyaw niya nga performance sa BuyBust ug Sid & Aya: Not A Love Story nga gigama sa Viva Films.
Suma pa ni Anne nga karon ra siya nakasuway nga nakabaton og nominasyon sa Gawad Urian,
Sila si Anne ug Jaclyn maoy mga aktres nga nakasuway og double nominations sa kasaysayan sa Gawad Urian.
Ang BuyBust maoy unang action movie ni Anne ug nakakuha kini og 10 ka mga nominasyon, ug lakip na ang best actress, best picture,ug best director.
Wow na wow Tyra !
Nihimo og kasaysayan si Tyra Banks isip labing tigulang nga nahimong cover sa swimsuit issue sa Sports Illustrated .
Mao na kini ang ikaduhang higayon nga nakalugwa ang 45 anyos nga si Tyra sa Sports Illustrated.
Kahinumdoman nga naka-pose na siya sa maong magazine niadtong 1996.
Nahimong trending sa social media ang cover photo ni Tyra kun diin nagsul-ob siya og yellow bikini.
Bag-ong paukyab ni Heart
Nagpaukyab na pud si Heart Evangelista sa iyang fans sa bag-o niya nga OOTD post kun diin nagsul-ob siya og elegante nga outfit samtang nanglimpyo siya sa toilet.
“And this is my look for today as I clean my toilet,” caption pa sa hulagway ni Heart.
Giingnan ni Heart ang iyang fans nga kinahanglan nga “fresh” gyud, bahala og unsay ilang gibuhat.
“No matter where you’re going or what you’ll be doing, always, always stay fresh. Char,” tweet pa niya.
Magpadayon ang kaso
Nakapuntos ang TV personality nga si Gretchen Fullido human nakakita og probable cause ang Quezon City Prosecutor’s Office sa kasong libel nga gipasaka niya batok nila ni Cecilia “Ces” Oreña Drilon, Marie Lozano ug Venancio Borromeo. Sa report sa PEP, mahimo na nga ipasaka ang kaso sa korte ug girekomendar na ang pagpagawas og warrants of arrest batok sa tulo ka akusado.
Kahinumdoman nga nagsugod ang isyu tungod sa sexual harassment complaint nga gisang-at ni Gretchen batok sa ABS-CBN News executive Cheryl Favila ug ABS-CBN News segment producer Maricar Asprec.
Giingong nipagawas og dautang mga pulong sila si Ces, Marie ug Venancio batok kang Grechen.
Pia-Vhong movie sugdan na!
Nagpanikad na si Miss Universe 2015 Pia Wurtzbach sa umaabot nga pelikula nila sa komedyanteng aktor nga si Vhong Navarro nga dumalaon sa Black Sheep.
Suma pa ni Pia nga posibleng sunod semana sugdan ang shooting niini.
Matud pa sa beauty queen nga usa kini ka dark comedy ug seguradong malingaw niini ang katawhan.
Halik gi-ere sa laing nasud
Dili gyud mabangbang ang kasikat sa teleserye sa ABS-CBN nga Halik gumikan kay gi-ere na kini sa laing nasud.
Nasayran nga gisugdan na kini sa pag-ere didto sa maong lugar pinaagi sa network nga Color Vision Canal 9. Mga bida sa Halik sila si Sam Milby, Yam Concepcion, Yen Santos ug Jericho Rosales.
Gawas sa Halik, gipasalida usab sa maong mga nasud ang Pangako Sa Yo nga gibidahan nila ni Daniel Padilla ug Kathryn Bernardo.
- Latest