“KathDen” fans magpa-block screening gyud

CEBU, Philippines — Mapasalamaton sila si  Kathryn Bernardo ug  Alden Richards ngadto sa ilang fans nga  nisaad na  nga magpa-block screening sa ilang pelikula nga Hello, Love, Goodbye.

Wala pa moisyu og play date  ang Star Cinema sa maong pelikula busa maglisod pa ang ilang fans sa pagpa-book sa mga sinehan alang sa target nila nga block screening.

Sa pagka-karon, todo plano na ang ilang fans alang sa ilang kalihokan  sa higayon nga sugdan na ang promosyon sa maong pelikula.

Pasok sa  Home Sweetie Home

Dugangan og mga bag-ong bitoon    ang sitcom ni Toni Gonzaga sa ABS-CBN nga Home Sweetie Home  ug wala na gyu’y tsansa nga molugwa og balik si John Lloyd Cruz sa maong show.

Sa dagan sa istorya sa maong sitcom, hingpit na nga giputol ang relasyon nila ni Toni ug John Lloyd.

 Pipila ka mga artista nga  gikatahong ipuno sa maong show mao sila si Vhong Navarro ug  Alex Gonzaga .

Nalakip pud sa listahan sila si  Rio Locsin, Edgar Mortiz, Fumiya Sankai ug  Yamyam Gucong. 

Nagkalig-ong relasyon

Bilib kaayo si  Nadine Lustre ngadto  kang   James Reid  gumikan kay masinabtanon kini nga pagka-uyab.

Dili malikayan nga sapoton og kalit si  Nadine  apan dali ra siya mapakalma ni James.

Una na nga gibutyag  sa duha nga nagkalig-on na maayo ang ilang relasyon.