Queen Philippines 2019

CEBU, Philippines — Hingpit na nga gipaila-ila ang mga maanyag nga kandidata gikan sa nagdaiyang dapit sa nasud alang sa  ikawalo nga edisyon sa Queen Philippines.

Suma pa sa ilado nga master couturier nga si Cary Santiago kinsa mao sab ang overall chairman sa maong indigay, karong tuiga mao ang labing dako ug labing daghan nga mga kandidata .

Naandan na kaniadto nga 25 lamang ang mga kandidata apan tungod kay daghan ang dedikado ug nangandam gyud, gipasaka nila ang gidaghanon sa finalists.

“They come all the way from the different provinces, and they spend just to join. Para nako, this is not just about beauty, this is not just about wit and this is other than luck that comes from the heart. Then you’d see the willingness that there are some of them that are an advocate and this [Queen Philippines] has become their platform for them”, suma pa ni Santiago.

Dugang pa ni Santiago nga lahi ra sab ang mga kandidata sa karon nga edisyon.

“Because when you hear them personally, you will tell they have a heart for this and they really worked hard. All of them. If only we could accommodate everybody to be part of the pageant, you would love to include all of them,” matud pa niya.

Gikan sa kapin 100 ka mga kandidata nga nipaubos og screening, gihagpatan kini hangtod sa naglangkob na lamang kini og 35, kinsa mao ang morampa karong Agusto 10, 2019 sa Pacific Grand Ballroom sa Waterfront Cebu City Hotel and Casino.

Ang mga kandidata gibahin kini sa tulo ka hugpong nga mao ang nagikan sa Luzon, Visayas ug Mindanao.

Ang unang hugpong nga nggikan sa Luzon gilangkuban nila ni Shy Bathan (Albay); Roxam Delos Santos (Benguet); Lena Santos (Bulacan); Mariella Campos (Ilocos Norte); Vera Joren (Laguna); Ayesha Tolentino (NCR); Antwon Sanchez (Palawan); Jianne Dabajo (Pampanga); Vhi Balolong (Pangasinan); Nicole Silvestre (Quezon Province); Ada Marie Madrigal (Romblon); ug Janna Eliza Embalzado (Spratly Islands).

Sa bahin sa Kabisayaan gilangkuban  kini nila ni Maja Isabelle Andres (Aklan); Nikki Nicole Arriesgado (Antique); Loiuse Angelique Gimenez (Bohol); Wilteof Napolis (Cebu); Nichole Novo (Iloilo); Jess Labares (Leyte); Valerie Barbie Uy (Negros Occidental); Erika Garcia Lee (Negros Oriental); Myckaela Celine Orozco(Samar) ; Paula Abellar (Siquijor); ug Charla Cabale (Southern Leyte).

Samtang hugpong sa Mindanao mao sila si Paula Martin (Bukidnon); Gretchen Alingog (Davao Del Sur); Darvena Ponce (Lanao Del Norte); Angel Marie Madrigal (Maguindanao); MJ Pallarco (Misamis Occidental); Latlat Andana (Misamis Oriental); Shiela Magpale III (South Cotabato); Bridgette Salvatore (Sulu); Princess Viajar (Surigao Del Norte); Jose Sabasaje (Surigao Del Sur); Pauleen Juaton (Zamboanga Del Sur); ug Aya Garcia (Zamboanga Sibugay).

Ang tema karong tuiga mao ang “Choose Philippines”.

Ang award-winning choreographer nga si Victor Cuenco mao ang mohatag og direksyon sa maong prestihiyoso nga indigay.

Sama sa mga miaging tuig, lima ka korona ug titulo ang naghuwat kun kinsa ang mga rayna nga matuboy karong tuiga.

Mao kini ang Queen Universe, Queen World, Queen International, Queen Earth, ug Queen Tourism.

Ang mga makadaog makadawat sab og ganti nga P100,000, P80,000, P70,000, P50,000, ug P30,000,

Dili lamang kini yano lang nga kompetisyon gumikan kay aduna kini charity nga gisuportahan nga mao ang Seven Sisters House of Mercy Home for the Elderly, Cebu City Task Force for Street Children of Cebu, ug  Transgender COLORS Inc.

Alang kang Santiago, dakong kasaulugan kini sa mga transgender ug dili lang kini magbase sa kaanyag ug kalantip sa panghuna-huna apan nagkinahanglan na niini ang tinuoray nga pagpakita sa kaayo sa isigkatawo ug adunay  malumong nga kasingkasing .

“You may not have the perfect answer but when you have the confidence and when they see something in you genuinely, it can touch the heart of the judges,” pagtapos ni Santiago.