Kusog sa Twitter
CEBU, Philippines – Nanghawod ang Kapamilya celebrities ug shows sa labing gihisgotan sa Twitter. Ang maong social networking site nipagawas og listahan sa Top Male Celebrities, Top Female Celebrities, Top Love Teams, Top OPM Musicians, Top Teleseryes, ug Top Movies gikan sa January hangtod sa March 2019.
Base sa report sa PUSH, nag-una sa listahan sa Top Female Celebrities mao si Kathryn Bernardo ug nagsunod sila si Loisa Andalio ug Anne-Curtis Smith.
Alang sa Top Male Celebrities, nahimutang sa unang spot ang komedyanteng TV host nga si Vice Ganda ug nagsunod kaniya sila si Juan Miguel Severo ug Donny Pangilinan .
Samtang ang Top Love Teams sa Twitter naglangkob sa MayWard (Maymay Entrata ug Edward Barber), DonKiss (Donny Pangilinan ug Kisses Delavin) ug AlDub (Alden Richards ug Maine Mendoza).
Nag-una usab ang Alone/Together nga gibidahan nila ni Liza Soberano ug Enrique Gil alang sa kategoriyang Top Philippines Movies ug nagsunod sa listahan ang Ulan ug Sakaling Maging Tayo . Ang Top OPM Musicians sa Twitter mao sila si Darren Espanto, Moira Dela Torre ug IV of Spades. Nalakip usab sa listahan sa Top Teleseryes ang Daddy’s Gurl , Playhouse, ug The General’s Daughter.
- Latest