Arci, negosyante na
CEBU, Philippines — Gikan sa pagkanta, pag-arte ug pag- cosplay, usa na gyud ka negosyante si Arci Muñoz. Aduna nay gipanag-iya nga restaurant ang aktres. Ka-partner ni Arci ang iyang boyfriend nga si Anthony Ng.
Pinay actress nagmadaogon sa HK
Bida na sab ang Pinoy sa international scene human nga ang Pinay actress nga si Crisel Consunji mao ang nidaog og Best New Performer sa bag-ohay lang nga Hong Kong Film Awards (HKFA). Si Crisel mibida sa pelikula nga “Still Human”. Gawas sa maong naangkon nga award, nominado usab kini sa Best Actress category.
Gisuwayan pagpangulitawo
Saysay pa ni JM de Guzman nga wala niya gipaasa si Barbie Imperial. Matud pa niya nga gisuwayan kini niya og pangulitawo human sa ilang serye nga “Araw Gabi”. “I told her na baka puwede muna nating i-try, pero maging magkaibigan muna tapos tingnan natin kung puwede bang may mangyari or something”, suma pa ni JM.
Transformation ni Vivoree
Layo-layo na gyud og naabtan ang teen star nga si Vivoree Esclito gumikan kay usa na gyud siya sa mga gihangad sa mga kabataan karon tungod sa iyang sense of fashion. Nagsugod kaniadto si Vivoree sa PBB Lucky Season 7 kun diin simple lang gyud ang kaanyag sa teenager. Karon, lahi na gyud kini sukad nga nakasulod na sa showbiz. Mas fashionista na kini kun itandi kaniadto.
Nakadaog sa gawas
Human nga nanghakot og mga pasidungog ang MMFF entry nga “Rainbow Sunset” dinhi sa nasud sa miaging tuig, nagmadaugon usab kini sa Houston, Texas atol sa gipahigayong 52nd WorldFest-Houston. Nagtabla sa ‘Best Actor’ award ang bida sa maong pelikula nga sila si Eddie Garcia ug Tony Mabesa. Ang maong pelikula nakaangkon usab og award nga ‘Best Story Innovation’.
Friends pa
Butyag pa ni Karina Bautista nga wala manguyab kaniya si Aljon Mendoza kinsa nakauban niya sa PBB house. “We’re still friends po… Parang it’s respect for myself na rin. I don’t want to rush into things pa lalo na ngayon medyo magulo pa”, suma pa ni Karina.
Inahan ni Kim
Pasok ang beauty ni Sunshine Cruz sa serye nga bidahan ni Erich Gonzales, Kim Chui ug Xian Lim nga Love Thy Woman. Siya maoy modala nga inahan ni Kim sa maong serye. Gawas sa maong serye, duna pa siya’y laing proyekto nga nag-atang kaniya karong tuiga.
Naglisod og kat-on
Naglisod og maayo ang aktres nga si Erich Gonzales sa pagkat-on sa pinulungang Mandarin. Ingon nga usa kini sa angayan niya nga pangandaman alang sa serye nga “Love Thy Woman”.
Julia nanguyab kang Gerald
Gipagawas na ang trailer sa pelikula nila ni Gerald Anderson ug Julia Barretto nga nag-ulohan og “Between Maybes”. Nahugyaw ang kadaghanan sa dihang gipakita ang usa ka eksena nga si Julia mismo ang nanguyab ni Gerald kun diin daghan ang naka-relate gumikan kay mao na kini ang nahitabo sa panahon karon.
Mipahuway sa politika
Pagpahuway sa politika ang regalo sa kaugalingon sa aktor nga nahimong konsehal sa 5th District sa Quezon City nga si Anjo Yllana. Nagsaulog si Anjo sa iyang 50th birthday dili pa lang dugay. Naa na karon sa ikatulong termino si Anjo busa ang iyang manghud nga lalaki nga si Paulie Yllana mao ang iyang gipalansar.
- Latest