Dili pa katubag

CEBU, Philippines — Karon nga niatras na si Liza Soberano sa paglupad isip Darna tungod sa iyang injury, nilanog karon ang pangalan ni Maja Salvador aron mohulip sa nauna para sa superhero role. Apan magdumili una pagtingog  si Maja sa maong request sa iyang mga fans. "Nakakatuwa lang na marami ang may gusto, pero di ko kayang sagutin kung tatanggapin ko kasi ang hirap magsalita. Nandun ako sa ang hirap sundan,”ni Maja pa.

Sobra pa ang nadawat

Gipaambit sa Kapamilya Primetime King Coco Martin karong semana santa kung unsa kalig-on iyang pagtuo ngadto sa Ginoo. "Ang lola ko ang nagturo sa akin na magdasal. Everytime na nagpupunta ako sa Quiapo, nagdarasal ako na sana, bigyan po ako ng trabaho na regular na mabubuhay ko yung pamilya ko. Hindi ko po inakala na ang ibibigay po pala sa akin ng Diyos ay sobra-sobra pa sa hiningi ko"sigon pa ni Coco.

Sekreto una

Gipaambit ni Kiray Celis nga aduna siya'y uyab karon apan dili niya kini ipaila sa publiko kay girespeto matod pa niya ang privacy sa kinabuhi sa iyang uyab. “Saka na kapag kasal na kami! Iba kasi yung mundo niya, e. Nasa mundo siya ng business, e. Ako, nasa mundo ng showbiz. So, hindi ever, ever ko siyang ipasok dito," sigon pa ni Kiray.

Gitabangan ni Greta

Giangkon sa aktres nga si Claudine Barretto nga ang igsoon nga si Gretchen maoy usa sa naghatag kaniya og dakong suporta sa iyang kinabuhi karon.  Bag-ohay lang nagtingog ang duha human sa taod-taod nga panagbungol.

Michelle gikasal na

Gikasal na ang aktres nga si Michelle Madrigal ngadto sa American boyfriend niini nga si Troy Woolfolk didto sa Austin, Texas niadtong Abril 12. Nanggawas karon sa social media ang mga hulagway ni Michelle kauban ang iyang bana. Lakip sa nag-post kalabot sa iyang kasal mao ang igsoon ni Michelle nga si Ehra Madrigal.

Nidayeg kang Judith

Gikalipay matod pa ni Miss Universe 2018 Catriona Gray ang nag-viral nga Aeta beauty queen nga si Judith Manap human gipasalida ang life story niini sa drama anthology program sa ABS-CBN nga Maalaala Mo Kaya nga gihatagan og kinabuhi ni teen actress Maymay Entrata. "I think it's amazing. I mean why wouldn't be received positively? Showing diversity in what Filipina is, is what we should be aiming for," sigon pa ni Cat.

Nibalik sa ABS-CBN

Human sa tulo ka tuig nga nagtrabaho sa GMA-7, nibalik na isip Kapamilya ang aktor nga si Gardo Versoza isip bag-ong napuno nga karakter sa long-running teleserye sa nasud nga FPJ's Ang Probinsyano nga gibidahan ni Coco Martin. Gawas ni Gardo, laing former Kapuso stars nga niapil na karon sa dakong pamilya sa Ang Probinsiyano mao si Raymart Santiago ug Cogie Domingo.

Paghot ni Matet

Aduna'y tubag ang aktres nga si Matet de Leon ngadto sa mga tawo nga nagtawag niya og dako og agtang. “Dun sa mga, I’m sorry, dun sa mga nanunukso sa akin na, ‘Ay ang laki naman ng noo mo, hindi bale nang ganito yung noo ko pero ganito yung mukha ko, maganda, kesa meron ako nung noo mo ‘tapos yung mukha mo?”paghot pa ni Matet atol sa interview niini ni  Boy Abunda.

Nag-uban sa Hongkong

Nasigpatan nga nag-uban sa Hong Kong si Zanjoe Marudo ug uyab niini nga si Josie Prendergast kauban sa ilang mag higala nga silang Angelica Panganiban ug Kean Cipriano. Kahinumduman nga mas gipili nilang Zanjoe nga dili ipubliko ang relasyon niini sa 19-anyos nga surfer-model sa Siargao.

Memorable experience

Gipaambit sa singer nga si Darren Espanto sa social media ang iyang dili makalimtan nga kasinatian atol sa pag-perform niya sa ‘The Singer 2019’ didto sa China. "Tonight is very memorable! Performing with these crazy talented artists is truly an experience I will never forget! #Singer2019,"tipik pa sa post sa batan-ong singer.

Gipadayon

Padayon matod pa ang kaso nga gipasaka ni Miguel Concepcion ngadto sa iyang igsoon nga si Gabby alang  sa reklamong falsification of public documents human gibaligya ni Gabby ang luna sa ilang inahan nga wala nananghid." Kung nakipag-usap lang siya sakin sa umpisa, then we wouldn't even be here. But that’s how it is, I’m just trying to put everything back together. I’m doing this for my mom and my other siblings," sigon pa ni Miguel.