Mugna sa Cebuano composer nauyonan ni Janella
CEBU, Philippines – Gipasigarbo pag-ayo ni Janella Salvador ang bag-o niya nga single nga nag-ulohan og “Take It Easy” gumikan kay duna kini bug-at nga mensahe.
Matud pa ni Janella nga sa dihang gipadungog siya kaniadto sa maong awit, naganahan dayon siya niini .
Ang maong kanta sinuwat sa Sugbuanon nga performer nga si Anton Juarez nga pag-umangkon sa aktres nga si Dionne Monsanto. Dugang pa ni Janella nga dili kini typical nga love song ug duna kini palahi nga timpla nga seguradong kagaton sa kadaghanan.
The Crown Princess nataypan
Nag-una sa Twitter trending list ang pilot episode sa The Crown Princess niadtong Lunes sa gabii kun diin niabot kini og kapin sa 22k tweets.
Bida sa maong serye ang sikat nga Thai stars nga sila si Urassaya Sperbund isip Princess Alice ug Nadech Kugimiya isip Dawin Samuthyakorn,
Nag-una gyud sa trending topic niadtong higayona ang hashtag nga #TheCrownPrincess .
Todo pasalamat si Sudarat Kugimiya, ang inahan sa The Crown Princess actor nga si Nadech tungod sa init nga suporta sa mga Pinoy sa maong serye.
Usa usab kini nga gipistahan nga topic sa Facebook niadtong gabhiona.
“Hello, Love, Goodbye”
Gipahibalo na sa Star Cinema ang final nga titulo sa upcoming movie sa Kapamilya star nga si Kathryn Bernardo ug sa Kapuso star nga si Alden Richards.
Ang maong proyekto nag-ulohan og “Hello, Love, Goodbye” nga ipasalida sulod karong tuiga ug ubos kini sa direksyon ni Cathy Garcia Molina.
Una na nga gipahibalo sa Star Cinema nga malakip sa maong proyekto ang aktres nga si Maymay Entrata.
Nilarga na sa Hongkong sila si Kathryn ug Alden sa miaging adlaw alang sa shooting sa maong pelikula.
Magsugod na sa military service
Magsugod na sunod buwan sa iyang mandatory military service ang usa sa mga miyembro sa Korean boy group nga EXO nga si Xiumin.
Katapusang public appearance ni Xiumin o Kim Min-seok mao ang concert sa iyang grupo didto sa Japan sa miaging adlaw.
Ang EXO naporma niadtong 2012 nga dunay 12 ka mga sakop ubos sa SM Entertainment.
Gipasikat sa maong grupo ang awit nga “Ko Ko Bop” ug “Love Shot.”
Nagmalampuson ang concert sa EXO dinhi sa Pilipinas sa miaging tuig.
- Latest