Julia, nanganak na?

CEBU, Philippines — Daghang showbiz insiders ang mikumpirma nga nanganak na ang Kapamilya aktres nga si Julia Montes. Ingon nga dinhi lang sa nasud nanganak ang aktres ug didto kini sa Cardinal Santos Medical Center sa San Juan City.

Dako sab ang pagtuo niini nga ang amahan sa maong bata mao si Coco Martin kinsa gituohan nga mao ang pabiling sekreto nga karelasyon sa aktres.

Taud-taud na nga wala sa limelight ang aktres ug kalit lang kini nga wala na mopatim-aw human sa serye nga “Asintado”.

Ingon nga mitikang kini sa Germany ug didto una nagpabugnaw sa gipuy-an sa iyang biological father.

Apan karon nauli na kini og dinhi na naabtan sa buwan sa pagpanganak.

Pabilin pa nga tak-om ang kampo ni Julia kun tinuod ba ang maong taho.