Kinsa ang angayan nga ihulip kang Liza?
CEBU, Philippines — Pormal na nga mipahibalo si Liza Soberano niadtong Huwebes nga dili na siya mopadayon sa pagdala sa karakter ni Darna sa usa ka movie project tungod sa iyang injury nga iyang nakuha sa miaging serye niya sa Bagani.
“I fractured my right index finger po. As in nadurog po yung buto, the top part and the bottom, and also my joint”, suma pa ni Liza. Padayon ang pagpaubos og surgery ni Liza apan wala pa gyud kini hingpit nga naalibyuhan mao nga nakahukom siya nga biyaan ang maong karakter aron hingpit siya nga mamaayo.
Wala malikayi ni Liza ang pagtulo sa iyang luha gumikan kay sakit kaayo ang pagbiya niya sa maong proyekto ilabi na nga dugay na unta siya nagpanikad niini. Sa iyang pagbiya, daghan ang nangutana kun kinsa ang mohulip kaniya.
Gisugdan na sa ABS-CBN Film outlet nga Star Cinema ang pagpangita kun kinsa ang angayan nga modala sa karakter sa dugay na nga giatngan nga movie remake sa Darna.
“Meanwhile, the preparation for the “Darna” movie continues as ABS-CBN and Star Cinema remain fully committed in telling the well-loved story of the Filipina superheroine and have started the selection process for the new actress who will bring the iconic character to life on the big screen,” suma pa sa statement sa ABS-CBN.
Sa maong bakante nga karakter, miulbo karon ang mga sugyot gikan sa netizens kun kinsa ang angayan nga mahimong mohulip kang Liza.
Nanggawas ang pangalan nila ni Nadine Lustre, Maja Salvador, Pia Wurtzbach, Yassi Pressman, ug Jessy Mendiola sa mga aktres nga giingong haom sa karakter nga gibiyaan ni Liza.
- Latest