John Lloyd mobalik gyud !

CEBU, Philippines – Gikatahong mobalik na gyud sa  showbiz ang aktor nga si John Lloyd Cruz  ug gianunsyo kini sa  Facebook sa account sa aktor nga dunay 215,000 followers.

Gipaambit usab sa maong account ang poster ug teaser  sa bag-ong endorsement sa aktor.

Una na nga nitumaw ang report nga excited na kaayo sa pagbalik niya sa showbiz ang higala niya nga si  Piolo Pascual.

Nihatag usab og pasumbingay kalabot sa pagbalik ni John Lloyd mao ang kanhi ka-loveteam sa aktor nga si  Bea Alonzo.

Hot!  Hot! Hot!

Nisamot ka init didto sa Metro Manila kagahapon human nirampa sul-ob ang ilang swimsuit ang 40 ka mga maanyag nga dalaga nga magtigi alang sa Bb. Pilipinas crowns sa umaabot nga Hunyo.

Lakip sa nirampa ang mga Sugbuanon nga sila si Gazini Ganados nga gikan sa Talisay City, ug Ilene de Vera nga taga Mandaue City.

Gikagobtan ang new hair color

Gipistahan karon sa netizens ang bag-ong hitsura ni Jessy Mendiola  partikular na ang iyang  hair color.

Mao kini ang magsilbing pagsugat ni Jessy sa summer  ug pipila sa iyang followers ang nihulagway  nga susama kini sa hitsura  sa karakter ni  Emilia Clarke sa Game of Thrones.

Pipila sa nidayeg sa iyang bag-ong hair color mao sila si  Miss World 2013 Megan Young ug Miss Universe 2015 Pia Wurtzbach.

Hirit pa ni Pia:  “Only you can pull thiss off. Your complexion works so well with it.”

Duha ka tuig na ang relasyon

Gikumpirmar nila ni  Joshua Garcia ug Julia Barretto nga duha ka tuig na sila nga mag-uyab.

Nagdungan og duha sa pagpaambit sa ilang  couple picture sa tag-tagsa nila nga  Instagram Story sa miaging gabii.

Sa hulagway nga gipaambit ni  Joshua, aduna kini  caption nga “-Dalawang taon.”

Matud pa nga nagkauyab ang duha niadtong April 3, 2017 .

Unang nagkasoud sila si  Joshua ug Julia gumikan sa pelikula sa  2016 Metro Manila Film Festival nga  Vince & Kath & James.

Nagsugod og diskarte si Joshua kang Julia niadtong January 2017 .

Nasayran nga  “The brave one” ang  tawag ni Julia kang Joshua gumikan sa tinud-anay nga gugma niini ngadto kaniya.

Sama sa ubang mag-uyab, niagi pud og mga pagsulay ang ilang relasyon .  Naintriga si Joshua kaniadto nga matud pa nakig-chat sa usa ka babaye nga netizen.

Fan sa Sahaya nisumbong sa DepEd

Trending karong ang screenshot sa usa ka netizen nga nagpadala og mensahe sa Facebook page sa Department of Education (DepEd)  gumikan kay apektado kini sa usa ka episode sa teleseryeng Sahaya sa GMA-7.

Apektado ang maong netizen gumikan kay wala nahimong valedictorian si Sahaya nga gidala ni Bianca Umali.

Sa Facebook post ni Kevin Beethoven, nipadayag kini sa iyang kaguol human matud pa nanikas ang  principal aron dili mahimong valedictorian si Sahaya. 

Gikalingawan pag-ayo sa social media ang gibuhat sa maong netizen.

Sophie suki sa “kabit role”

Sinagpaay napud ang masugatan ni  Sophie Albert   sa bag-ong teleserye sa GMA-7 nga “Bihag”.

Nasayran nga  kabit napud ang role  ni  Sophie sa maong teleserye. Kahinumdoman nga kabit gihapon ang role ni Sophie kaniadto sa teleseryeng  Pamilya Roces .

Karakter niya sa “Bihag” mao ang paguba  sa panaghigugmaay nila ni ni Jason Abalos ug Max Collins.

Wala hinoun mabalaka si Sophie sa posibilidad nga ma-typecast siya sa kadaghanan isip kabit.

Ang labing importante alang kaniya nga duna siya’y trababaho ug mapasalamaton siya sa GMA gumikan  kay wala gyud mabakante ang iyang career.

Eerie naka-P75M na!

Nagmaya ang mga bitoon sa horror-thriller movie nga  “Eerie” nga sila si Charo Santos-Concio ug Bea Alonzo gumikan kay nikita na kini og  P75,252,077.76 million sulod pa lang sa pito ka adlaw nga pagpasalida niini.

Mapasalamaton si Charo sa tanang nisuporta sa maong pelikula  nga gimugna sa Star Cinema  .

 “The entire EERIE team is overjoyed! Our heartfelt gratitude to everyone,” suma pa sa iyang Instagram post.

Nalakip pud sa maong pelikula sila si  Jake Cuenca ug  Maxene Magalona.

Kahinumdoman nga gidayeg ang maong pelikula  sa dihang gipasalida kini sa  Singapore International Film Festival sa miaging tuig.