Giunay sa caregiver

CEBU, Philippines —  Mihatag og pahimangno si Ai Ai delas Alas  sa publiko nga magbinantayon sa mga kuhaon nga katabang sa balay. Sa Facebook post sa comedy concert queen, gisaysay niya ang impormasyon sa ilang bag-o nga gikuha nga caregiver alang sa iyang inahan nga nangawat sa alahas ug kwarta .

Mao kini ang kinatibuk-ang post sa komedyante : “Eto ang bagong care giver ng nanay ko umalis sya ngayun at kumuha ng alahas at pera ng nanay ko any information ipag bigay alam sa number na ito 0917 7511797 salamat po— paki share na lang po para hindi kayo mabiktima nitong taong ito.... talagang magnanakaw pala itong tao na ito kasi sa kapitbahay namin pala nagnakaw din ito 1.4m .. MAG INGAT SA MABIBIKTIMA NG MAGNANAKAW NA BABAENG ITO — at sa mga agency PAG NAG APPLY ANG kawatan na ito —ipapulis ninyo. Salamat po”.

Wala na midetalye si Ai Ai kun pila ang kantidad sa nasakiyo sa maong gituhuang caregiver. 

Lloydie, mobalik na?

Miulbo karon ang espekulasyon nga matud pa mobalik na sa showbiz si John Lloyd Cruz human nga mi-post og hulagway sa Instagram si Piolo Pascual nga anggid gyud ni Lloydie. Ang maong hulagway dunay kapsyon nga “Ang pagbabalik”. Wala pa motingog ang kampo ni Lloydie kalabot sa maong report.

Waste of energy

Si Joshua Garcia miingon nga dili gyud siya mopatol sa iyang bashers  gumikan kay wala siyay mapala niini. “Siguro try lang nilang manahimik na lang, alam mo yun? Kesa pumatol. Waste of energy eh”, suma pa ni Joshua.

Tinubdan sa hugot

Gitug-an ni Arci Muñoz nga gihimo niya nga instrumento ang iyang mga kaagi sa lovelife aron makahugot og husto nga emosyon alang sa iyang trabaho isip artista. “Ako po nagamit ko ang mga heartaches ko bilang artista sa mga crying scenes, mga drama na mga nagawa ko po hindi lang sa nitong mga nakaraan. Kapag kailangan ko magalit, iniisip ko ang pang-gagago ng ex ko. Galit na ako agad,” suma pa ni Arci.

Kaagi ni Valerie

Dili gyud lalim alang kang Valerie Concepcion ang mahimong inahan sa edad nga 16 anyos. Matud pa niya nga naghilak-hilak gyud siya kaniadto gumikan kay wala siya tugti sa iyang ginikanan nga magpakasal sa amahan sa iyang anak kaniadto tungod kay bata pa kaayo siya niadtong mga tungura. Ang maong kasinatian ni Valerie mao ang nagtukmod kaniya nga mahimong responsable sa kinabuhi

Legit Youtuber

Gikalipay pag-ayo ni Kim Chiu nga aduna nasab siya’y dako nga nakab-ot sa iyang kinabuhi. Matawag na gyud niya ang iyang kaugalingon nga legit Youtuber human nakaangkon og 500,000 subscribers.

The Panti Sisters

Excited na sila si Martin del Rosario ug Christian Bables nga magkauban sa labing una nila nga pelikula kun diin silang duha mao ang bida niini. Ang duha mao ang mihupot sa karakter ni Barbs. Una nga nahimong Barbs si Christian sa Die Beautiful ug si Martin mao ang midala sa maong karakter sa pelikula nga Born Beautiful. Mag-ulohan ang ilang bidahang pelikula og “The Panti Sisters”. Makauban nila niini si Paolo Ballesteros.

Naguol sa mga komento

Gikaguol ni Vice Ganda ang iyang mga nabasa nga mga negatibo nga mga komento kabahin sa pagka-link niya kang  Ion Perez kinsa ilado isip Kuya Escort sa “It’s Showtime”. “ May mga nababasa akong mga comments na nalulungkot ako, hindi lang para sa akin kundi para sa maraming tao na hanggang ngayon sa panahon na ito ay may ganun pa rin, ang sad for them”, suma pa ni Vice.

Kauban ni Juday

Ganado gyud nga mag-exercise si Judy Ann Santos matag adlaw. Usa sa naghatag niya og motibasyon mao ang iyang anak nga si Luna kinsa ubanan gyud siya pag-exercise. Gani, hataw sab kini nga sundon ang mga lihok ni Juday.

A Life Full of Kisses

Mopahigayon og solo concert ang Kapamilya star nga si Kisses Delavin. Ang “A Life Full of Kisses” mahitabo karong Abril 25 sa Music Museum.  Wala pa gidetalye ni Kisses ang iyang special guests sa maong concert.

Music video ni Janella

Gipagawas na kagahapon ang opisyal nga music video sa single ni Janella Salvador nga “Take It Easy”. Human kini mipagawas, mitala kini og kapin sa 31,000 views.  Ang Sugbuanon nga si  Anton Juarez  maoy composer sa maong  awit.