Cebuano ang composer

CEBU, Philippines – Nikisaw karon ang awit nga  “Take It Easy”nga gihatagan og hugyaw nga interpretasyon  sa Kapamilya star nga si Janella Salvador.

Nasayran nga  ang Cebuano performer nga si Abton Juarez maoy nag-compose sa maong awit.

Pag-umangkon si Abton sa aktres ug kanhi Pinoy Big Brother housemate nga si Dionne Monsanto. Nagkanayon si Abton nga ang “Take It Easy”  nagdasig sa katawhan nga dili kinahanglan nga ikumpara ang ilang kaugalingon  ngadto sa ubang tawo.

“ Nahuna -hunaan nako siya because it’s one of the current issues today as a millennial in the age of social media. Daghan og mga ka -age nako and younger nga ma-conscious and i-compare ang ilang kaugalingon sa uban nga tawo nga makit-an nila sa social media o bisan asa. Gusto nako nga magsilbi kining inspirasyon sa mga tawo,” matud pa ni Abton.

Mapasalamaton ang Sugbuanon nga composer sa tanang nisuporta sa iyang tinagik nga awit.

Usa sa nihatag og todo suporta kaniya mao ang iyang apohan nga si Dulcita Siroy nga usa ka movie actress.