Humanon na?

CEBU, Philippines – Humanon na matud pa ang Inagaw Na Bituin nga launching teleserye ni Kyline Alcantara sa GMA7 ug makita matag hapon.

Ang tsika mao nga last 10 weeks na lang matud pa ang nahisgutang serye.

May komento ang mga showbiz insiders nga wala matud pa masuportahi sa kasikat ni Kyline karon ang rating sa iyang teleserye hinungdan nga putlon na kini.

Gikatahong ang “Blood Money” nga kasamtangan karong gigama nila ni Rocco Nacino ug Sanya Lopez maoy ihulip niini.

Dako’g budget

Gipaambit ni direk Mark Reyes nga dako matod pa sila og nagasto sa paghimo sa pelikulang “Mystified” nga giisip nga reunion project sa original Encantadia stars nga silang Sunshine Dizon, Iza Calzado, Karylle, ug Diana Zubiri. “The budget of this is something like film fest, Manila Film Fest. Yes, it’s that big,”sigon pa sa direktor.

Mas nauyonan

Pasok sa next round ang Filipino contestant  nga si Jej Vinson sa The Voice US human gipildi ang kaatbang niini nga si Beth Griffith-Manley atol sa “Battles” round. Gidayeg ang performance ni Jej nilang coach John Legend ug Adam Lavine. “Jej, your tone was really interesting and cool,”komento pa ni John.

Georgina nagsabak

Malipayong gipaambit sa  modelo nga si Georgina Wilson sa Instagram account niini nga nagsabak siya karon sa ikaduha nilang anak sa banang si Arthur Burnand. “Another adobo loving baby coming right up [three sparkle emoji]”post pa niini.

Nibiya na

Hingpit nang gipatay ang karakter ni Jhong Hilario sa actiom serye sa ABS-CBN  nga ‘Ang Probinsyano’ niadtong Miyerkules sa gabii nga episode. Mas nailhan si Jhong isip Homer “Alakdan” Adlawan, ang kinakontrahan nga karakter ni Coco Martin o Cardo sa maong serye. Gipatay iyang karakter gumikan kay dili na pwedeng mogawas sa TV ang mga nidagan nga showbiz personalities. Re-electionist councilor si Jhong sa 1st District sa Makati City.

Gipaspasan

Target ni Divine Lee nga mabuntis matag tuig hangtod nga mag edad siya og 40- anyos. Trentay siete anyos na karon si Divine ug napulo ka semana na siyang nagsabak karon sa iyang ikaduha nga anak sa banang si Blake Go.”Kasi I’m 37. My first was 36. Kailangan ko ng four by 40, so kailangan every year, buntis ako,”paambit pa ni Divine.

Nangayo og pasaylo

Niluwat og public apology ang kampo sa Kapuso artist nga si Migo Adecer para ngadto sa nabiktima sa hit-and-run nga insidente niadtong Marso 26 didto sa Makati City. “He already said sorry to the police authorities explaining to them that disobeying them is his most remote intention. Whatever he said and done was just a product of mixed fear and confusion because of the situation,” sigon pa sa abogado ni Migo.

Ang kalipay ni Jodi

Gipaambit ni Kapamilya actress Jodi Sta. Maria nga malipay kaayo matod pa siya kun mosul-ob siya og sinena nga napuno sa printa. “Yung print on print... parang medyo nakaka-overwhelm. Pero later on, once you get the hang of it, parang masaya rin pala,”sigon pa ni Jodi.

Gipasabot ang mga anak

Giasoy sa aktres nga si Aiko Melendez nga gipasabot niya og tarong iyang mga anak kalabot sa iyang grabe’ng pagsuporta sa kandidatura sa uyab nga si Mayor Jay Khonghun.“Inupuan ko talaga sila. Sabi ko sa kanila, ‘Andre, Marthena, he needs me.’ In-explain ko talaga nang mabuti sa kanila. And sabi nila, ‘Go ahead, Mom, you have to support Tito Jay,’ and after that, we will have a family time,”asoy pa sa aktres.

Pagklaro ni Justine

Human sa pila ka bulan nga nagpakahilom,hingpit na nga gitubag sa singer nga si Justin Bieber  ang pangutana sa kadaghanan nganong mas gipili niyang mopahuway una sa iyang trabaho isip singer. “I have been looking, seeking, trial and error as most of us do, I am now very focused on repairing some of the deep-rooted issues that I have as most of us have, so that I don’t fall apart, so that I can sustain my marriage and be the father I want to be,”tipik sa pamahayag niini.

Proud sa igsoon

Proud matod pa kaayo ang aktres nga si Ara Mina sa pagka single mom sa iyang igsuon nga si Cristine Reyes kinsa buwag na karon ngadto sa bana niini nga si Ali Khatibi. “Welcome to the club!’Magka-iba kami ng tapang eh. Kumbaga ‘yung heart niya may shield na para maprotektahan na ang kanyang puso at hindi pa masaktan pa ng iba,” sigon pa ni Ara.