Loisa Andalio scandal?

CEBU, Philippines — TRENDING topic karon sa Twitter ang giingong video scandal sa young star nga produkto sa Pinoy Big Brother nga si Loisa Andalio.

Base sa mga tweets nga karon nagbaha na, nahitabo ang eskandalo pinaagi sa social networking flatform nga Snapchat.

Recorded matud pa ang video—buot pasabot girecord sa ka chat ni Loisa ang panghitabo ug nga hayan walay ideya ang young star niini. Sa pipila ka mga hulagway nga nikatap, makita ang babaye nga anggid og dagway kang Loisa nga giwalis ang blouse niini, diin nakita ang iyang dughan.

Samtang nabahin ang baruganan sa netizens.

Adunay mga nanawagan nga honungon na ang pagpakatap sa maong video sanglit sahi ra sab kun sa ilang inahan, igsuon ug higalang babaye mahitabo ang maong eskandalo.

Apan may miingon nga mirese ni Loisa ug angayan mga maleksyon siya niini.

Naglisod og litok

Karon nga bida si Nadine sa pelikula nga ‘Indak’ nga didto sa Bantayan, Cebu gisugdan ang pagshoot niini, matud pa ni Nadine nga gipaningkamutan gyud niya og kat-on ang pinolungang binisaya. Tsika pa niya nga naglisod gyud siya niini sa paglitok mao nga gamay lang ang mga ipamulong sa ipagawas puhon nga pelikula.

Ma-busy sa politika

Andam na nga biyaan ni Jhong Hilario ang iyang karakter sa ‘FPJ’s Ang Probinsiyano’ isip si Alakdan/Homer. Tinubdan niini mao ang iyang pagka-busy sa iyang political career. Mao na kini ang ikaduhang termino ni Jhong isip konsehal sa first district sa Makati.

Pabiling kapuso

Magpabiling Kapuso sila si Andre Paras ug Joyce Ching human mi-renew sa ilang kontrata niining semanaha lang. Magpabiling mainstay sa comedy-musical variety show nga ‘Sunday PinaSaya’ si Andre ug karong tuiga sab makita na siya pagbalik sa ikaduhang season sa top-rating singing competition nga ‘The Clash’ isip backstage host. Samtang si Joyce, mahimong kabahin sa ‘Dragon Lady’.

Updated version

Mas daghan ang nakauyon sa bag-ong version sa awit nga “Ex” nga gipagawas sa Callalily. Ang maong awit nigawas na niadtong Hulyo sa miaging tuig ug gipalambo pa gyud kini ug dinhi na nga madungog na sab ang tingog ni Yeng Constantino sa maong awit nga migawas lang karong semanaha. Ingon ang maong kanta daghan ang nakarelate tungod kay nagtuki kini sa maayong panagbuwag sa duha ka binuhat.

Iro ang pares

Usa ka retriever nga iro ang makapares ni Sarah Geronimo sa iyang sunod nga bidahan nga pelikula nga ubos sa direksyon ni Jun Lana. Mag-uluhan kini og “Unforgettable”.

Pagsuway sa kaminyuon ni jaya

Gisaysay ni Jaya nga ang labing dako nga pagsuway nga iyang nasinati sa ilang kaminyuon sa iyang asawa nga si Gary Gotidoc mao ang nakuhaan siya sa ilang ikatulo nila nga anak. Matud pa ni Jaya nga nakugang gyud siya sa mga panghitabo gumikan kay human sa upat ka adlaw nga nahitabo kaniya, gipadayon niya ang iyang konsyerto niadtong 2014. Dugang pa ni Jaya nga bisan og wala nila nga makita ang ilang anghel apan gihatagan na kini nila og pangalan nga ‘Max’.

Makita sa duha  ka estasyon

Mibalik na sa GMA-7 si Sandy Andolong human sa unom ka tuig nga mibalhin og kapasilungan. Mahimo siya nga kabahin sa serye nga ‘Blood Money’ apan pabilin siya nga makita sa sitcom sa Kapamilya network nga ‘Home Sweetie Home’.