Sekreto sa sexy figure

CEBU, Philippines — Daghan ang nakabantay nga mas nisamot og ka-sexy karon ang Kapamilya actress nga si Nadine Lustre busa daghan sab ang buot makahibalo kung unsa ang iyang gibuhat aron ma-achieve ang maong nindot nga figure. Gipaambit sa aktres ang iyang sekreto.“Yes I do, I still eat of course. Now po kasi I have yung packed foods. Yun ang lagi ko kinakain and this is the effect,”sigon pa sa Ulan movie star.(

Gi-franchise sa Indonesia

Nakaangkon og first international franchise ang noontime show sa ABS-CBN nga It's Showtime! human sa siyam ka tuig niining nag-ere sa   nasud. Dili madugay, mopasalida na ang Indonesian media company nga MNCTV sa ilang version sa It's Showtime. Kahinumduman nga niadtong 2012, gi-franchise sa Indonesian network nga SCTV ang noontime show sa GMA-7 nga Eat Bulaga!

Natuman nga pangandoy

Gihatagan og katumanan ni Kapamilya actor Enrique Gil ang pangandoy sa iyang inahan nga makatukod og mga restaurant. Gawas niini, aduna sab siya'y ablihan nga skin care business ug gikatakdang mopagawas sa iyang whitening soap. "That's for my mom and, alam mo naman, yung restaurant, dream niya yun, e. I'm about to release my own soap soon like a gluta, it’s a whitening soap," sigon pa sa 26-year-old Star Magic talent.

Ento ra sa kinahuhi

Wala matod pa nagmahay ang aktres nga si Maricar Reyes nga mas gipili niya ang pag-artista kaysa pagka-doktor. Malipayon matod pa ang aktres sa iyang acting career ug cake business. "No. I don't feel that it's 'sayang' at all. I learned new things I can apply to the ones I love. Medicine may not be my day job and source of income as of now, but it's still a part of who I am,"niya pa.

Pag-angkon vs. Prank

Usa ka Prank You! segment ni Rhian Ramos ang giatbang sa The Boobay and Tekla Show (TBATS) batok sa Gandang Gabi Vice episode kagahapon diin niangkon si It's Showtime escort Ion Perez sa relasyon nila ni Vice Ganda. Sigon pa, ang Prank You! segment sa TBATS ang usa sa  mga paboritong segment sa mga viewers sa maong comedy talk show nilang Boobay ug Tekla.

Mitubag sa netizen

Gitubag sa aktres nga si Claudine Barretto ang usa ka netizen kinsa nangutana nganong mas gipili niya si ex- husband Reymart Santiago kaysa sa nipanaw niyang ex-boyfriend nga si Rico Yan. Nahitabo kini human nag-post si Claudine og birthday message sa kanhi uyab nga si Rico Yan diin gitawag niya kini og "My luv & my Life. always & forever." "I was not with my ex-husband. We were not together when Ry was alive. Get your facts straight," tubag pa ni Claudine.

Chokoleit gilubong na!

Gilubong na ang patay'ng lawas sa komedyanteng si Chokoleit kagahapong adlawa didto sa iyang yutang natawhan sa Davao City. Sa wala pa kini gilubong, napuno sa katawa ang ulahing gabii sa komedyante gumikan sa eulogy nga gibuhat sa iyang suod nga mga higala nga silang K Brosas, Vice Ganda, Pokwang ug Pooh. Gi-cremate si Chokoleit kay mao kini iyang gipanugon sa wala pa namatay.

Talandugon ang pagsabak

Nagpatabang og ampo  sa publiko ang aktres nga si Nadine Samonte gumikan sa iyang giatubang nga problema sa pagsabak sa ikaduhang anak nilang Richard Chua. Naospital matod pa ang aktres tungod sa nahitabong contractions sa iyang tiyan. Tungod sa maong kumplikasyon, kuyaw matod pa nga mapagawas niya ang bata bisan kuwang pa kini sa buwan.

Natulog diay

Wala matod pay kalibutan ang aktres nga si Ryza Cenon sa gikatahong pag-walk out ni Angel Locsin sa set sa gibidahang teleserye niini nga The General’s Daughter niadtong Pebrero 15. “Ay, wala po ako nun! Tulog po kasi ako, pagising ko wala na,"sigon pa sa aktres.

Excited sa kontrabida role

Nagpanikad na ang Kapuso star Ana Roces para sa iyang first kontrabida role isip Irene sa bag-ong GMA-7 serye nga Sahaya. Siya ang mahimong kontrabida sa kinabuhi ni Manisan nga gihatagan og kinabuhi ni Mylene Dizon. “I’m excited kasi siyempre this is the first teleserye of Direk Zig Dulay, so he’s very mabusisi i and very meticulous,"niya pa.

Mubo ra og exposure

Nihatag og katin-awan si Angelica Panganiban kalabot sa pagkawala sa karakter ni Carlo Aquino sa morning series nga ‘Playhouse." Miangkon ang aktres nga di sila maayo og buot karon ni Carlo apan dili kini mao ang rason sa kalit nga pagkawala sa karakter sa aktor sa maong serye. “Ang alam nga namin maiksi lang talaga ang character niya. Talagang isang buwan lang, kasi cameo role, tapos na-extend, tapos pumasok si Belle (Isabel Daza), napahaba na ‘yung show,” sigon pa sa aktres.

Nagpahungaw sa kalagot

Nagpagawas sa iyang kalagot ang aktres nga si Andi Eigenmann ngadto sa netizens nga nisaway sa mubo nga buhok sa iyang anak nga si Ellie.“What is wrong with all these people saying that my kid looks like a boy or asking if she is [a] lesbian just because she has short hair? Shame on these other women making my girl feel like she did something wrong all because her hair is now short,”tipik sa post niini sa Instagram.