Kakugi ug Pag-ampo

Hello to R Obradas of Cristorey Guadalupe, Carcar City! Security guard ni siya. Mensahe niya: Tinuod jud na imong advice nga dapat sa panahon karon aside sa imong work, naa jud kay sideline. Bisan unsa nga sideline basta tinarong lang jud.  Kay sa ako lang side mao na akong ginahimo Sa una ana dapat dili lang jud ta mawad-an sa paglaum if unsa nga negosyo ang haum ug kamauhan nato. Kay sa first ana dili dayon ta deretso nga mo click ang business. Pero sa ngadto ngadto muabot ra jud nga successful ang atong business. Bisan ginagmay basta naay profit. Ampo lang sa Ginoo, muabot ra jud na sa tukamng panahon. Baboy pud ang akong sideline.”

Pakpak uy! Tumpak kaayo ang iyang mga pulong uy! Husto gyud na nga magkugi ug magpasensya gyud ta kun maninda ta or magsideline ta. Dili gyud ta mahalinan ana dayon. Naa sab mga customer nga mga attitude problem—makaupos og pasensya. But go lang ng go ra gyud dapat inyong drama.  Like kun online seller ka, upload ng upload lang gyud diha sa imong baligya, bahala’g walay inquiry or walay halin. Ayaw pagtinapulan og upload. Be consistent.

 Eventually, ma hugyaw na lang ka nga naa nay mu-pm nimo, mangutana tagpila imong baligya. Ang uban mudiretso og order, walay pangutana tagpila. And also, know your product gyud. Unsa may nakanindot anang imong baligya? Nganong diha man gyud sila mupalit nimo bisan og naay daghang namaligya? Unsay kaayohan nga ilang mapahimuslan sa imong produkto? Kinahanglan kahibawo ka sa tubag ana.

And yes, pray gyud. Bisa’g unsaon pa nimo og paningkamot diha kun dili itugot sa Kahitas-an wala gyuy mahitabo ana. Kinahanglan mag-uban gyud na’ng duha: Kakugi ug Pag-ampo nga kinasingkasing. Ako bitaw, everyday gyud ko magpatabang kang Mama Mary, Our Lady of the Miraculous Medal. Yes, mudangop gyud ta sa mahal nga birhen isip inahan sa Ginoo kay aron dili ta balibaran. So mag-ampo gyud ko nga unta mahalinan ko, nga unta naay daghang mu-order sa akong mga baligya. Ug kaluoy sa Diyos, di man sab gyud ko ma zerohan. But if wala gyud kay halin anang adlawa, ayaw ka lain. For it only means, naay giandam ang Ginoo nga mas nindot alang nimo. Ingon ana ra gyud na siya. Ayaw awaya ang Ginoo. He knows what is perfect for you. He only wants what’s best for you. Pakpak!

Speaking of Carcar City, hugyaw kaayo ning flower stand nga hinimo sa mga inmate sa Carcar City Jail uy, Mupakpak ko. Sigun pa sa detalye nga akong nakutlo gikan kang City Information Officer Candice Sandiego Acuña,    sigun sab sa jail warden, naay kooperatiba nga nagdumala ana. Ang dako nga pahat sa halin adto gyud mupaingon sa piniriso. Gamay lang matud pa ang ibilin aron maoy ipamalit og materyales. Sa ako sab nga nahibaw-an gikan kang Dahryl Tagalog of DILG, ang presyo niining maong mga flower stand naa sa P1500-P2000. Mahimo sab sila nga mu-customize kun naa kay nahunahunaan nga design. Infairness, pulido pagka himo. Beautiful gyud. Pakpak! Alang sa interesado mupalit mao ni ang contact # ni jail warden Dennis Alino: 09778503479.

Hi to Marites and Boni Fajardo of Pinamungajan! Ganahan gyud matud pa sila kaayo mubasa og okRYAN. Salamat kaayo ninyo. Katong ganahan mu-text nako, pwede kaayo. Butangi lang og ngalan ug address. Mas nindot kun naa sab moy ipaambit nga tips unsaon nga mulambo ang atong pagkinabuhi. Akong # 09239681581

Have a blessed Sunday, dear okRYANians!