Jessy tumalak sa bintang na mang-aagaw ng bf, isyung paglipat sa GMA hindi pa sinasagot!

Tumalak si Jessy Mendiola sa bintang na mang-aagaw siya ng boyfriend.

Actually lumang isyu na ‘yun. Pero inungkat ng isang netizen.

Nagpaka-sensitive si Jessy nang mabanggit ang pangalan ni Angel Locsin na alam naman ng lahat ay ex boyfriend si Luis Manzano. Hindi nakapagpigil si Jessy : “Bakit ako aamin ng hindi totoo? yung mga basher hindi nila alam ang totoong nangyari. Bakit ako aamin para lang tumigil sila? Para lang manahimik sila?

“Ang basher kahit anong sabihin mo hindi nila tatanggapin yun. Ilang beses ko nang sinagot sa mga interviews noon ang nangyari, pero naniwala ba sila? Hindi.

“Kaya dapat ipasa Diyos nalang yan, nakikita naman niya ang lahat. Good vibes lang Aisha, let go mo na yang issue na yan. Happy na kaming lahat,” buwelta ni Jessy sa comment ng basher na ang insinuation ay inagaw niya si Luis kay Angel.

Maligaya na rin si Angel sa piling ng boyfriend niyang si Neil Arce kaya may mga nagre-react kung bakit kailangan pa niyang bumuwelta.

Pero ang mas dapat sagutin ni Jessy ay ang isyung nakikipag-negotiate diumano ito sa GMA 7 bilang wala nga siyang programa sa kasalukuyan sa ABS-CBN.