Nadine Lustre gusto makatrabaho si Angel Locsin

CEBU, Philippines – Usa na si Nadine Lustre ang nanghinaot nga makauban niya si Angel Locsin sa “The General’s Daughter”. Nagmalaumon sab si Nadine nga unta makatrabaho niya si Angel sa usa ka action film. Dugang pa ni Nadine nga aduna gyud siya’y dako nga interes sa mga action movies sukad pa niadtong bata pa lang siya.

dili komportable

Dili komportable ang aktres nga si Ara Mina nga hisgutan ang iyang mga pagtabang sa mga nanginahanglan. Matud pa ni Ara nga dili kinahanglan nga mahibaw-an sa kinabag-an ang iyang mga nahimong tabang sa iyang mga higala nga mitawag kaniya aron nga mangayo og tabang. “Kasi sa akin na lang yon. Iba yung pakiramdam sa akin no’n, eh. Merong joy at certain fulfillment dito sa puso ko kapag ginagawa ko yon”, padayag pa ni Ara.

Excited makauban si Bea

Gitug-an sa beteranang aktres nga si Charo Santos nga naghinam-hinam gyud siya nga makatrabaho sa usa ka proyekto ang aktres nga si Bea Alonzo. “Nakita ko itong nagdalaga. Talagang excited na excited ako ng sinabing si Bea ang makakasama ko for this project”, suma pa ni Charo.

Nagrebelde

Gibutyag ni Kiko Estrada sa Tonight with Boy Abunda nga mihunong siya sa pag-eskwela kaniadto ug hangtud karon wala pa niya mahuman ang iyang pagtungha. Tungod kay na-pressure siya sa iyang kinabuhi human nga mipanaw ang iyang apuhan nga Paquito Diaz. Dugang pa niya nga dili gyud siya maayo nga makaistorya kaniadto ug miangkon sab siya nga migamit siya og ilegal nga druga apan dili kini pirmaninte.

Nangunay sa surpresa

Gisurpresa ni Claudine Barreto ang iyang igsuon nga si Gretchen Barretto atol sa adlaw’ng natawhan niini niadtong miaging adlaw. Nagsaulog sa ika-50 ka tuig si Gretchen ug si Claudine mismo ang nangulo sa surprise party niini.

Throwback photo

Mi-post og hulagway si Bea Alonzo sa iyang Instagram account diin kauban niya ang iyang hinigugma nga si Gerald Anderson. Ang maong hulagway nakuha kini niadtong 2010 ug matud pa ni Bea nga mao kadtong mga panahuna nga aduna na siya’y espesyal nga pagtan-aw ug pagbati ngadto sa aktor.

Unta suportahan

Nagmalaumon si Teddy Corpuz nga unta suportahan siya sa iyang mga kauban nga hosts sa “It’s Showtime” sa iyang bidahan nga pelikula nga “Papa Pogi” nga ubos sa Regal Films. Matud pa ni Teddy nga mao kini ang labing una nga pelikula nga iyang lakipan.

Zia, lakip sa most  beautiful kids

Pasok gyud ang kaanyag sa celebrity daughter nga si Zia Dantes gumikan kay nalakip siya sa mga natala sa usa ka Vietnamese website isip usa sa mga ‘most beautiful kids’ sa Asian celebrities. Si Zia lang ang Pinoy nga nalakip sa maong talaan. Ang fansite nga Ken14 mao ang labing sikat nga fansite sa Vietnam.

Makapadayon sa sunod nga round

Laing grupo sa Pinoy na sab ang nanghawod sa “Asia’s Got Talent” kun diin mipabilib kini sa ilang bersyon sa hit song nga “Despacito”. Ang maong Pinoy quartet group giila kini nga “Crescendo Acoustic” kun diin nakadawat kini og upat ka “Yes” nga makapadayon sa sunod nga round sa kompetisyon.

Sarah, gituman ang request sa fan

Gituman ni Sarah Geronimo ang usa ka request sa higala ni Maja Salvador nga si Kane Panghulan kinsa gikasal niadtong miaging semana. Idolo ni Kane si Sarah ug mihangyo kini ngadto kang Maja  og posible ba nga imbitaron kini sa iyang kasal. Lakip si Sarah sa mi-toast sa bag-ong kasal ug mi-perform kini sa orihinal nga kanta nga “Tala” kun diin tataw sa reaksyon ni Kane ang iyang dako nga kalipay nga anaa sa iyang atubangan ang Popstar.