Erich Gonzales ug Mario Maurer nagkita og balik
CEBU, Philippines – Subling nagkahimamat sa usag-usa sila si Erich Gonzales ug Thai heartthrob Mario Maurer atol sa pagbakasyon sa nahiuna sa Thailand.
Kahinumdoman nga pito ka tuig na ang nilabay human sila naglauban kaniadto sa pelikulang Suddenly It’s Magic.
Gi-interview ni Erich si Mario ug gi-post niya kini sa iyang YouTube Channel.
Dili pa lang dugay, nahimamat usab ni Erich ang igsuon ni Mario nga si Marco alang sa gigama nila nga music video.
Plantsado na?
Gikatahong sa Hongkong pagahimoon ang pipila ka mga eksena sa upcoming movie ni Kathryn Bernardo. Una na nga gidungog nga si Alden Richards maoy leading man ni Kathryn sa maong movie project.
Angeline mikiay-kiay
Gipakita sa singer nga si Angeline Quinto ang abilidad niya sa pagsayaw. Nag-post siya og video sa Instagram ug nahimuot pag –ayo ang iyang followers sa iyang pagsayaw. Suma pa ni Angeline nga usa si Maja Salvador sa iyang giidolo nga artista nga maayo mosayaw.
Nahibalik na sa nasud
Nahibalik na sa Pilipinas ang singer nga si Gerald Santos human sa kapin sa duha ka tuig niya nga pagdala isip Thuy sa Miss Saigon UK Tour. Sa pagbalik niya sa nasud, aduna dayon siya’y umaabot nga homecoming concert kauban ang Philharmonic Orchestra.
Billy mihirit
Gipanalipdan sa Idol Philippines host nga si Billy Crawford ang higala niya nga si James Reid kinsa gisaway sa ubang tawo gumikan kay dili matud angayan mahimong hurado sa bag-ong show sa ABS-CBN.“It is a big show and that’s why reacting the way they are, I guess that’s why everybody is curious. And curiosity sometimes messes with people’s heads. Ang sa akin lang, siguro lahat ng tao ay entitled naman sa kanilang mga opinion sa totoo lang. Everyone is entitled to speak. But when everybody is too harsh and too personal, that’s maybe people should draw the line,” suma pa ni Billy
Lig-ong programa
Palig-onon og samot ni President and CEO sa IBC 13 nga si Kat de Castro ang travel show nga Cooltura. Nasayran nga nagpabiling sikat ang maong show hangtod karon gumikan kay i-feature niini ang nagkalain-laing lugar sa nasud.
Proud sa movie
Gipanghambog ni Cristine Reyes ang upcoming movie niya nga Maria gumikan kay dili basta-basta ang iyang mga eksena. Suma pa sa aktres nga sa kadugay na niya sa industriya, karon pa siya kasuway og pelikula nga dili basta-basta.
Nanalipod sa higala
Gipanalipdan sa former Pinoy Big Brother housemate nga si Wendy Tabusalla-ang higala niya nga si Lou Yanong kinsa nag-eskandalo sa kasamtangang season sa PBB human naghagkanay sa housemate niini nga si Andre Brouillette . “Talaga namang napakahirap ng mga pagsubok na ito pero hindi po ibig sabihin ay masamang tao po si Lou dahil nakita naman po natin from the start na talagang siya ay karapat dapat at talaga namang may napatunayan na siya at talaga namang nagpapakatotoo lang siya,” suma pa ni Wendy .
Nag-reunion sa PA
Puwerting lipaya ni Sunshine Cruz gumikan kay nahimamat niya og balik ang kanhi niya former personal assistant . Suma pa sa aktres nga dugay na sila nga wala nagkita niini. Matud pa ni Sunshine nga mao kini ang sinaligan sa iyang ginikanan. “She was my former PA. Nagkamali sya (ng bongga), nasaktan ako ng sobra pati mom ko noon because she was not just a PA (personal assistant) to me but I treated her like a sister. Katabi ko sya sa kama matulog, sinunod ko ang lahat ng sinabi at utos nya sakin dahil sa kanya ako ibinilin at ipinagkatiwala ng mom ko,” suma pa niya.
JK mibuwelta sa bashers
Wala nagpatandog si JK Labajo sa mga tawong nisaway kaniya human siya namalikas sa usa ka music festival. Kahinumdoman nga nakasulti siya og dili maayong pulong human dunay tawo nga ni-singgit og “I Love You Darren” samtang nag-perform siya sa entablado. “‘Wag kang manghusga ng tao dahil lang sa mga video na nakikita mo. Lalo na kung hindi mo alam ang tunay na konteksto,” suma pa ni JK.
A Hard Day
Nagpanikad na si Dingdong Dantes sa umaabot niya nga action suspense thriller movie nga ubos sa Viva Films. Nag-ulohan kini og A Hard Day. Wala pa’y ideya ang aktor kun kinsa ang makauban niya sa maong proyekto.
Shawie mag-concert sa US
Mitikang og balik si Sharon Cuneta alang sa laing hugna sa iyang concert nga tipik sa selebrasyon sa iyang ika-40 ka tuig sa industriya. Makauban niya sa maong concert ang anak niya nga si KC Concepcion.
- Latest