Mga obra ni John Lloyd Cruz gipakyaw ni Maja Salvador
CEBU, Philippines — Gipakyaw ni Maja Salvador ang mga obra ni John Lloyd Cruz nga gi-display sa usa ka art exhibit.
Tipik kini sa VOID nga exhibit ni Idan Cruz John Lloyd Cruz, ang “Bonobo 1, 2 & 3.”
Nakuha ni Maja ang “Walls 1” ug ang “Resting Illusions of Freedom”. Suma pa sa aktres nga makiangayon ra gyud ang presyo niini.
Gi-display ni Lloydie sa Gallery 2 sa West Gallery sa #48 West Avenue ang iyang mga mugna.
Sa nasagap nga taho sa pep.ph, giingong ubay-ubay ka mga personalidad ang nitikang sa pagbukas sa maong kalihokan sa miaging semana, kini naglangkob nila ni ABS-CBN president nga si Carlo Katigbak, Linggit Tan, Johnny Manahan, Thou Reyes, Erwin Romulo, ug Jerome Gomez.
- Latest