Angel Locsin nag-sorry sa fan

CEBU, Philippines — Nangayo oy pasaylo si  Angel Locsin sa iyang  fan nga wala makapa-picture kaniya  atol sa  Panagbenga Festival sa Baguio City niadtong weekend.

Gidepensahan hinoun sa  aktres ang iyang mga  staff nga gibasol sa iyang fan  hinungdan nga wala kini nakapa-picture kaniya. Niadtong Sabado,  nag-post si Angel sa  iyang  Instagram account sa iyang mga hulagway  atol sa kalingawan nga gitambongan sa mga bitoon sa seryeng The General’s Daughter.

Sa comments section, usa niya ka avid fan ang nikomento nga nasagmuyo siya gumikan kay wala gyud siya nakapa-picture sa iyang idolo.

Suma pa sa maong netizen: “mga paasa yang dalawang yan sinabi nlang sana na di pwede para di na ako umasa pa! ending NGANGA tuloy inabot ko @therealangellocsin”

Nitubag dayon si Angel:  “hi! Sorry to heart that I hope magawa natin ito next time may program rin kasi na sinusunod, plus the organizers rin, kaya hindi rin asta pwedeng lumabas or mag decide sila magisa. Pero pasensya na talaga I know maiintindihan mo naman yun sayang hindi ka nagpunta sa harap para makapagpapic tayo Salamat sa pagpunta Hope to see you tom.” Matud pa ni Angel nga dili angayan basulon ang iyang mga staff.