Maine mitingog na!

CEBU, Philippines — Hingpit nang nihatag og katin-awan ang  Kapuso star Maine Mendoza sa istado nila ngadto sa Kapamilya actor nga si Arjo Atayde. Gipahibalo kini sa aktres pinaagi sa iyang blog entry niadtong Sabado, bisperas sa iyang  24th birthday kagahapong adlawa, Marso 3.”Again, without waiting any longer, here’s the statement and confirmation you have been waiting for: It’s true, I am dating Arjo,”rebelasyon pa ni Maine.

Target ni Coleen

Gipaambit sa aktres nga si Coleen Garcia nga buot na niyang magka-baby sa dili pa siya motungtong  og 30 anyos. Sunod buwan kay mag-usa ka tuig nang kasal ang aktres u gang  bana niini nga si Billy Crawford apan hangtod karon wala pa nakahulma og bata. “I don’t wanna start too late. I wanna start sana before I’m 30, kasi he(Billy) will be 40 na,”sigon pa ni Coleen.

Garbo sa nasud

Nag-tie sa best actress award sa 39th Fantasporto International Film Festival silang Ai-Ai delas Alas ug Ina Raymundo nga nahitabo kagahapong adlawa didto sa Porto, Portugal. Nadaog si Ai-Ai alang sa  role niini sa pelikulang School Service samtang nadaug sab si Ina alang  sa hugyaw nga performance niini sa pelikulang Kuya Wes. Usa ka dakong dungog sa nasud ang pagkadaug sa duha sa maong  international film festival.

Gilubong na

Gilubong na kagahapong adlawa ang nipanaw nga  indie actor nga si Kristofer King didto sa Manila Memorial Park sa Parañaque City. Sa wala pa kini gilubong, nibisita ang mga kaubanan niini sa showbiz sama ni ‘Ang Probinsiyano’ star Coco Martin.

Nakulbaan

Giasoy sa Kapuso actor Tom Rodriguez nga gikulbaan matod pa siya sa dihang una niyang nakatrabaho ang aktres nga si Janine Gutierrez sa usa ka proyekto sa GMA-7. “Nung nagkatrabaho kami for Magpakailanman, sobrang... hindi ko nasabi sa kanya ‘to, pero kinakabahan ako. I was nervous kasi hindi pa nga kami nagkakatrabaho nun. Hindi ko alam kung paano yung magiging working condition,”angkon pa sa aktor.

Malipayong kinabuhi

Tsika pa sa  Kapamilya hunk actor JC de Vera  nga dili gyud masukod  kasadya sa iyang kinabuhi tungod sa iyang batang babaye ug sa iyang  non-showbiz girlfriend. “Sobrang masaya ang buhay ngayon. Para siyang(baby) angel. Para siyang Red Bull na nagbibigay ng ibang energy. At blessed kami kasi nga yung bata, very jolly,”sigon pa sa aktor.

Miklaro sa isyu

Gihimakak sa aktor nga si  Edgar Allan Guzman ang nanggawas nga chika nga matud pa napahawa siya sa poder sa iyang kanhi manager nga si Noel Ferrer tungod kay gibalibaran niini ang usa ka gay role nga gitanyag kaniya alang sa usa ka indie film. “Hindi naman po. Si Sir Noel naman ang isang manager na kukunin niya ang opinyon mo,”asoy pa ni EA kinsa ubos na karon sa pagdumala ni Arnold Vegafria ug sa GMA Artist Center.

Gikasal na!

Gikasal na ang long-time couple nga silang Sunshine Garcia ug Alex Castro niadtong Sabado, Marso 2 didto sa Manila Cathedral sa Intramuros, Manila. Kanhi miyembro sa Sexbomb Dancers si Sunshine ug usa sa mga casts sa ABS-CBN comedy show nga Banana Split. Samtang usa ka singer ug politician ang bana niini nga si Alex.

Unang hulagway

Gipaambit sa dancer nga si Rochelle Pangilinan ang labing unang hulagway sa iyang baby girl nga si Shiloh Jayne Pangilinan Solinap pinaagi sa usa ka Instagram post. Ang maong hulagway nagpakita sa iyang bana nga si Arthur Solinap nga nagtutok ngadto sa bag-ong natawo nga bata. “My life”, caption pa sa 36 anyos nga aktres.

Sigeg balik sa Japan

Gipaambit sa Queen of All Media Kris Aquino nga dili moubos sa unom ka higayon nga mobisita sila sa iyang mga anak didto sa Japan matag tuig , kini tungod sa paborito niining cartoon character nga Hello Kitty. Sa Japan makit-an ang official maker o tighimo sa  Hello Kitty items. Apan giklaro sa aktres nga dili siya ang pinakakusog mobiyahe sa Japan kun dili ang iyang mga igsoon nga moadto og kawalo sa usa ka tuig.