Makatigi sa Ulan

CEBU, Philippines — Lig-ong hollywood film ang makadungan sa showing sa pelikula nilang Nadine Lustre, Carlo Aquino ug Marco Gumabao nga 'Ulan'. Ang direktor sa maong pelikula nga si Irine Villamor nihangyo sa mga Pinoy nga mosuporta sa local films. Ipasalida ang maong pelikula karong Marso 13.

Dili ma-late

Nihatag og tips ang Former StarStruck Avenger ug Kapuso actor Dion Ignacio ngadto sa bag-ong batch sa StarStruck 2019. Gipabug-atan sa aktor ang kaimportante sa  oras  nga gisabotan ug dili gyud ma-late. .“Dapat on time ka, kung ano yung calltime sa ‘yo. Kasi big deal sa showbiz yun,"sigon pa sa aktor.

Kristofer mipanaw

Mipanaw   na ang  Indie actor  nga si Kristofer King o Christopher Reyes sa tinuod nga kinabuhi, niadtong Sabado sa gabii. Gidagan sa ospital ang aktor human naglisod kni og ginahawa  Adunay sakit nga diabetis, pneumonia, heartburn ug sciatica ang  aktor nga posibling rason sa iyang pagpanaw.

Giabibahan og maayo

Gidumogan og maayo ang  nahitabong homecoming parade ni Miss Universe 2018 Catriona Gray didto sa Araneta Center, Cubao, Quezon City niadtong Sabado sa hapon. Niabiba gyud ang mga Pinoy kang Catriona gumikan sa paghatag og dungog niini sa Pilipibas.

Hugyaw ra!

Na-feature sa American fashion / lifestyle magazine nga Vogue ang barong nga gidesinyo sa inilang Filipino designer nga si Francis Libiran. Gisul-ob ang maong barong ni Fil-Am Hollywood actor Darren Criss atol sa kasal niini ngadto ni Mia Swier niadtong Pebrero 16. "We are on Vogue. "Take a look at multi-awarded Hollywood actor Darren Criss’ (@darrencriss) most talked about wedding where he wore a custom-made @FrancisLibiran Barong Tagalog celebrating his union with Mia Swier," he wrote.

Nanghawod sa iTunes

Human gipagawas ang ilang mga kanta niadtong Biyernes, nidominar dayon sa iTunes Philippines’ Top 100 songs ang kanta ni Maymay Entrata nga ‘Kakayanin Kaya’ ug kanta ni Edward Barber nga ‘No One Else’. Nahimong top 1 ang kanta ni  Maymay samtang ikaduha kang Edward. Dili kini mao ang unang higayon nga nag-release og album ang duha.

Lapas P200M

Niabot na og Php 200,715,976.31 ang halin sa Valentine's Day film nilang Enrique Gil ug Liza Soberano nga Alone/Together. Ang real life couple kay tua karon sa Dubai alang  sa Middle East screening sa maong pelikula. Gipasalida ang Alone/Together sa mga sinehan sukad niadtong February 13.

Stanley Donen,namatay

Nipanaw na ang award-winning American director nga si Stanley Donen sa edad nga 94 tungod sa sakit sa kasing-kasing. Gikumpirmar ang maong balita sa anak ni Stanley nga si Mark Donen. Pipila sa mga sikat nga pelikula ni Donen mao ang Hollywood classic movies nga "Singin' in the Rain," "On th Town" ug "Charade."

Niapil sa challenge

Hasta ang celebrity couple nga silang Joem Bascon ug longtime girlfriend niining vlogger nga si Crisha Uy kay wala nagpaulahi sa trending challenge karon sa social media, ang #ChangeClothesChallenge. Sa maong challenge, nag-ilis og sinena silang Joem ug Crisha. Daghan ang nahimout sa  gibuhat sa maong celebrity couple.

Congratulations Eddie!

Gipasidunggan ang beteranong aktor nga si Eddie Garcia og Lifetime Achievement Award atol sa 2019 Singkuwento International Filmfest niadtong Biyernes, Pebrero 22 didto sa Leandro Locsin Theater sa Intramuros, Manila. Nag-standing ovation alang  kang Eddie ang audience atol sa awards night. “Thank you so much for this honor,"tipik pa sa acceptance speech sa 89-anyos nga multi-awarded actor-director.