“Babies4sale.PH”

CEBU, Philippines —  Linahi nga online business ang tugkaron ni Atom Araullo sa iyang The Atom Araullo Specials sa GMA7 ugma sa 4:30 sa hapon.

Dili pagkaon ug beauty products ang gibaligya online, kundili mga bata. Sa show ni Araullo, ipakita niya ang iyang interview sa iyang nahimamat nga si Christine, 20-anyos, kinsa niangkon isip B Mom or Birth Mon—usa ka inahan nga ibaligya ang iyang ihimugso nga bata.

Gisaysay ni Christine ngadto kang Atom nga gibiyaan siya sa amahan sa iyang anak, busa, inay amumahon niya ang bata nga nag-ead og duha ka bulan, iya na lang kining ibaligya sa kantidad nga P35, 000.

Samtang nagpadayon si Atom sa pagpanukiduki kabahin niining mga “Adoption Pages” sa facebook, natunong sab nga nakadakop ang mga tinugyanan  sa National Bureau of Investigation (NBI) pinaagi sa usa ka entrapment operation, og usa ka inahan, ug usa ka middle man, nga nasakpang nibaligya og bata nga nag-edad pa lamang og 11 ka adlaw sa kantidad nga P40,000. Kanang tanan masaksihan sa “BABIES4SALE.PH” ugma puhon.

Purchasing a baby through online transaction is highly dangerous since the process circumvents all lawful proceedings and documentation. In the absence of legal and verified information, both babies and prospective adoptive parents are put into certain risks. There’s also a potential danger that these babies may be sold to cybersex dens and used for child pornography.

Go online with Atom Araullo as he investigates these alarming and shady baby transactions in social media and even in the barangays.

JM isip martial artist

Mobida pagbalik si JM de Guzman sa “Maalaala Mo Kaya” karong gabii. Ang kinabuhi sa usa ka martial artist mao ang hatagan og kinabuhi sa aktor. Matud pa sa aktor nga ginaningan gyud niya og training niini aron mahatagan niya og hustisya ang iyang karakter.

Certified singer

Gipamatud-an ni Maymay Entrata nga dili lang sa modelling ug sa pag-arte siya maayo apan usa sab gyud siya ka certified singer. Karong semanaha lang gipagawas ang iyang single nga nag-ulohan og “Kakayanin Kaya” nga gi-produce sa Star Music.

Nailhan sa Malaysia

Wala gyud magtuo ang Kapuso aktres nga si Yasmien Kurdi nga aduna siya’y fans nga anaa sa Malaysia ug Africa. Tsika pa ni Yasmien nga sa dihang mitikang siya sa Malaysia bag-uhay lang, aduna siya’y gihapit sa tindahan ug adunay duha ka lalaki nga mitutok kaniya og nangutana og siya ba si Ysabel. Ysabel ang ngalan sa karakter  niya sa serye nga “Sa Piling Ni Nanay”. Gikalipay ni Yasmien ang maong panghitabo tungod kay bisan og mibakasyon lang siya sa laing lugar apan aduna gihapo’y nakaila kaniya.

Bilib sa Co-Star

Bilib gyud si Carla Abellana sa iyang kanhi co-star sa “Ismol Family” nga si Kevin Santos kinsa halos ma-perfect na niini ang exam sa pilot school. Gikuha ni Kevin ang Commercial Pilot Examination ug mokuha na sab kini og Caap Board Exam puhon.

Fight of the century

Giatangan gyud karon ang komprontasyon nila ni Cherie Gil ug Nora Aunor sa “Onanay”. Mao kini ang nag-trending nga diskusyon sa Twitter og gitawag gyud kini og “Fight of the Century”. Ingon nga mao kini ang labing atangan nga eksena kun diin ang duha ka mga beteranong aktres mao ang hatagan og pokus sa maong serye.

Plano Human sa trono

Saysay pa ni Miss Universe 2018 Catriona Gray nga plano niya nga padayunon ang iyang karera sa musika inig human sa iyang trono isip tighupot sa maong dako nga titulo. Gani, kun hatagan siya og higayon nga makasulod sa Broadway, iya gyud kini nga dawaton dayon. “Why not? If the opportunity is there, why not? I’m really, really open to opportunity that may come my way, especially Broadway. You guys know that I love Broadway!”, suma pa ni Cat.

Pinoy, Golden Buzzer

Dakong garbo alang sa nasud human nga ang 20 anyos nga Pinoy nga si Shadow Ace maoy nakaangkon   sa Golden Buzzer sa nahitabong Asia’s Got Talent. Si Shadow Ace kinsa usa ka hand shadow artist mipabilib sa iyang talagsaong katakus. Mopadayon na si Shadow Ace sa semi-finals nga mahitabo karong Marso.

Nangita og  fan girl

Nangita ang direktor sa “Alone/Together nga si Antoinette Jadaone og posible nga malakip sa iyang sunod nga pagahimoon nga pelikula. Matud pa ni direk sa iyang Twitter account nga usa ka fan girl ang role, diin adunay audition nga ipahigayon ug bukas  alang sa mga tawo nga wala pa’y kasinatian sa showbiz. Mahitabo ang maong audition karong Pebrero 26 sa UP Diliman ug karong Pebrero 27 ug 28 sa Sikat Events Place sa Tomas Morato.

Choice ang ma-single

Giangkon sa singer sa mga theme song sa pelikula nga “Sid and Aya”, “Para sa Brokenhearted” ug “100 Tula Para Kay Stella” nga si Janine Teñoso nga wala pa gyud siya makasuway nga makauyab.  Matud pa niya nga desisyon niya nga dili una magkarelasyon sa laing binuhat gumikan sa mga personal nga rason nga dili niya mabutyag. Dugang pa niya nga ang nahimong inspirasyon niya sa iyang mga sinuwat nga kanta naggikan kini sa iyang bati nga kasinatian sa kinabuhi ug sa iyang obserbasyon gikan sa iyang nakita ug nadunggan sa iyang palibot.

Nabalaka kun ipagawas ba

Wala gyu’y kalibutan si Bayani Agbayani kun unsa ang reaksyon sa MTRCB sa ilang pelikula nga gibidahan nila Gelli de Belen ug DJ Chacha nga “Pansamantagal” nga mapagawas sa mga sinehan karong Marso 20. Matud pa ni Bayani nga aduna gyu’y frontal nudity ang maong pelikula mao nga nabalaka siya basin og ipatangtang sa MTRCB.